Автомобилот „Фиат 126п“, кој се произведуваше во Полска, а кај нас е познат како „пегличка“, не е автомобил кој би очекувале да го видите во Куба. Но, овој „остаток“ од времето на Студената војна изненадува многумина.
Реклама
Многумина не би очекувале, но Куба е новиот дом на еден од најценетите артефакти од времето на комунизмот во Полска.
Автомобилот кој од почетокот на 1970-те години беше произведуван од италијанскиот Фиат во полските фабрики, денес речиси и не може да се види на полските патипта. Сепак, службата на „пегличките“ продолжува во Куба, каде според проценките на колекционерите на автомобили се регистрирани 10.000 вакви автомобили.
Инжењерите-аматери од островската нација поседувањето на „пегличка“ го претвораат во хоби, па своите примероци ги надградуваат со современа амортизација, силни мотори, гласни аудио системи и модерни тапацири.
„2016 година беше година на пегличките“, вели Хенди Коба за АП, претседател на клуб на сопственици на автомобили „Пријатели на автомобилот“.
Илјадници други „пеглички“ може да се видат низ цела Куба. Поради нивните димензии тие возат во сенката на американските џинови, познати како „алмендрони“, и меѓу "Ладите" и "Москвичите" увезени од Советскиот сојуз.
„Пегличката“, односно „Фиат 126п“ беше произведуван под лиценца на италијанскиот производител Фиат во полската фабрика ФСО. Производството започна во 1967 година и траеше до 1991 година, во овој период автомобилот се произведуваше под различни имиња.
Во втората половина на шеесетите години, „пегличката“ претставуваше врв на современата технологија и беше алтернатива на Варшава, автомобил кој во тоа време доби статус на застарен дизајн. Полскиот Фиат исто така се произведуваше и во фабриката ФСМ. Тука, производството започна во 1973 година и траеше до 2000 година. Вкупно 3.3 милиони возила беа произведени, а 2.4 милиони од нив беа наменети за полскиот пазар. Првично, „пегличката“ не беше наменета за пазарите во останатите земји од социјалистичкиот блок, па затоа и не се извезуваше. Сепак, тоа не ја сопре Куба да добие голем дел од автомобилите на почетокот од седумдесетите.
Легендарни автомобили
Фотографија: picture-alliance/dpa
Првиот Порше
Историјата на Порше почнува уште во 1898 година - со електромобил! Основачот на династијата на спортски автомобили Фердинанд Порше, тогаш 23-годишен, го конструирал P1, еден вид кочија на електричен погон. Возилото беше сокриено повеќе од 100 години, за неодамна да биде пронајдено во една шупа. Неговата брзина е 25 километри на час.
Фотографија: picture-alliance/dpa
Бубачка - народен автомобил
Прототипот на подоцнежните „Бубачки“ на Фолксваген од 1937 година се вика Тип 60 (В30). Фердинанд Порше работел исто така на негово создавање. Идејата за овој прототип се должи на целта на националсоцијалистичка Германија да создаде автомобил за голем дел од народот. Производството на „Бубачката“ траеше се‘ до 2003-та. Со над 21,5 милиони возила до 2002. беше најпродаван автомобил на светот.
Фотографија: Porsche
Автомобилите во ГДР
Моделот на автомобили кој во поранешната ГДР почна да се произведува во 1958 година се викаше Трабант. Тој се произведуваше во Цвикау. „Траби“ овозможи моторизирање на голем дел од народот во Германската Демократска Република. Автомобилот беше само минимално менуван и незначително натамошно усовршуван, така што стана огледало на нефлексибилноста на ГДР-економијата.
Фотографија: picture-alliance/dpa
Симбол на напредокот
Моделот Т на автопроизводителот Форд до 1972-ра беше најпродаван автомобил во светот. Потоа титулата ја освои „Бубачката“ на Фолксваген, а подоцна таа му припадна на Голфот. Од 1908. до 1927. во САД без произведени 15 милиони автомобили од овој тип. Технички едноставното возило има голема симболична вредност. Токму затоа денес се‘ уште има повеќе десетици илјади примероци на овој автомобил.
Фотографија: picture-alliance/landov
Брз како ветрот
14 ноември 1945-та: И покрај тешките услови поради тукушто завршената Втора светска војна, Дајмлер Бенц работи на создавање возило за трки кое треба да постави нови рекорди во брзина. Моделот на Мерцедес имаше 3.000 коњски сили и требаше да вози со 450 километри на час.
Фотографија: Getty Images
Француската кралица на улиците
Ситроен ДС (на француски: Божица, на Балканот познат како Ајкула), покрај 2 СВ (Спачек) е најголемата авто-легенда на Франција. Возилото се произведуваше од 1955 до 1975 година и може да се види во голем број филмови, пред се‘ криминални. Овој автомобил беше првото возило со хидропневматски амортизери, произведен во серија.
Фотографија: picture-alliance/ASA
Германска икона
Порше 911 е најпознатиот германски спортски автомобил и важи за поим за марката Порше. Првпат беше презентиран во септември 1963 година, на Меѓународниот саем за автомобили во Франкфурт.
Фотографија: Porsche
Се‘ побрзо, се‘ подалеку
И Фолксваген постојано инвестираше во развој на спортски автомобили. Во 2001 година овој автопроизводител со својот тогаш нов прототип „В12 Купе“ постави нов светски рекорд. На една патека за трки тој 7086-те километри ги мина со брзина од 295 километри на час.
Фотографија: picture-alliance/dpa
Брзо, удобно и економично
Модерните авто-иновации мора да поврзуваат се‘ - сила, брзина, добар изглед и треба да бидат и еколошки. БМВ i8 првпат беше претставен на саемот во Франкфурт, во 2009 година. Од 2013 година почна неговото сериско производство. Каросеријата и моторот на спортскиот автомобил се создадени така да штедат енергија.
Фотографија: picture-alliance/dpa
9 фотографии1 | 9
Срцето и двигател на „пегличката“ е мотор со два цилиндри и работна зафатнина која варира од 594 до 704 кубни сантиметри во зависност од моделот. Поради ова, „пегличката“ е автомобил кој нема голема потрошувачка на гориво, а истовремено не бара многу одржување.
Денес во Куба, „пегличката“ претставува еден од најдостапните автомобили на островот. Причина за тоа се ниските трошоци за нејзино одржување, добриот дизајн и издржливите мотори.