Албанскиот претседател Алфред Мојсиу денеска во Будва изјави дека планот на специјалниот преставник на ОН за Косово, Марти Ахтисари, е компромисно решение кое нуди одговор за регионот и ЕУ. Решението за покраината според него не треба да биде условено со минатото. Командантот на КФОР во покраината, генералот Роланд Катер во меѓувреме ги отфрли медиумските информации дека на Косово се присутни српски паравоени сили. Инаку од денеска командата на силите на КФОР ја презема Турција.