Кралицата Елизабета Втора го отвори новиот парламентарен период во Велика Британија. Во говорот кој се одржува секоја година, монархињата традиционално ја прочита владината програма пред двата дома на парламентот во Лондон. Овојпат стануваше збор за плановите на либерално-конзервативната влада на премиерот Дејвид Камерон.

Кралицата меѓу другото зборуваше и за законска иницијатива во која станува збор за јакнење на улогата на земјите-членки и националните парламенти во рамките на Европската унија. Со ова владата го потврди својот курс во ЕУ.

„Мојата влада ќе се концентрира на реформата на пензискиот систем“, прочита 88-годишната кралица. Освен тоа би требало да бидат воведни построги правила за работодавците, кои нема да исплаќаат минимална плата. Говорот беше последна можност за конзервативната влада на Дејвид Камерон да ги презентира своите планови пред изборите во 2015 година.

Годишниот говор е формален чин, и вторпат последователно, покрај кралицата и нејзиниот сопруг принциот Филип, се појавија и престолонаследникот принцот Чарлс и неговата сопруга Камила.