Германија најверојатно е исправена пред петти корона-бран. Политичарите воведуваат нови мерки, а населението е сѐ позаморено од пандемијата.
Фотографија: picture alliance/dpa
Реклама
Рахел работи во мала продавничка за специјалитети на периферијата од старото градско јадро на Бон. Во ресторанот во склоп на продавницата важи правилото 2Г – внатре може да влезат само вакцинирани или прележани. „Многу внимаваме ова да се спроведува. Покрај сертификатите, проверуваме и личен документ за идентификација. Многу од гостите ни велат дека ни се благодарни поради тоа што ова го сфаќаме олку сериозно“, ни раскажува Рахел во телефонски разговор. Но, таа додава дека кај нив сѐ уште доаѓаат луѓе во големи групи.
Оваа малечка продавничка за специјалитети го отсликува она што во моментов се случува низ цела Германија: има многу претпазливи, но има и такви кои благодарение на вакцината или прележаната болест повторно се чувствуваат безбедно и сакаат да живеат како и пред пандемијата. И веројатно има цел куп луѓе кои се некаде помеѓу овие две крајности.
Во секој случај, сѐ уште е многу присутна загриженоста поради корона-пандемијата. Според анкетата на Козмо, студија која од почетокот на пандемијата го мери расположението кај народот, во моментов оптовареноста повторно расте. Кон средината на декември околу 50,8% од испитаниците се чувствувале оптоварени од пандемијата, додека во октомври овој процент изнесувал само 34%.
Омикрон ја промени ситуацијата
„Сѐ уште ни е тешко до крај да ја разбереме ситуацијата“, вели социологот Улрих Вагнер. „Но, сега тоа е од други причини“, вели тој и појаснува дека земјата веќе две години е во пандемија и среде четврти бран, а веќе се најавува нов, петти бран корона. Овојпат се заканува високо преносливата варијанта Омикрон, а политичарите договорија ново заострување на мерките, меѓу кое и ограничување на контактите и за вакцинирани лица.
Вагнер: Потребни се сценарија, зашто ако нема одговори, ќе настапи беспомошностФотографија: Privat
„Досега постојано слушавме дека доколку доволен процент од населението се вакцинира, тогаш пандемијата ќе заврши. Но, оваа порака се промени со појавата на Омикрон. Сега таа гласи – ако се вакцинираме ќе го спречиме најлошото. Ова психолошки е многу оптоварувачки“, појаснува Вагнер и вели дека проблемот е што вака веќе не може да се претпостави дали и кога и како ќе има крај на пандемијата. „Никој не може да каже како ќе се одвиваат работите понатаму, откако ќе се справиме со петтиот бран. Што ќе биде налето? Ќе има ли шести, седми, осми бран? Потребни се сценарија. Ако нема одговори, ќе настапи беспомошност.“
Совети за подобро здравје и расположение во пандемијата
Стресот е постојан придружник на современото живеење. Короната дополнително ја влоши состојбата. Што да се направи за да се остане здрав и во добра форма? Спортување, работа во градина, читање... и уште по нешто.
Кој е новиот омилен спорт на Германците? Пешачење! Студијата на еден здравствен фонд покажува дека 43% од Германците по почетокот на пандемијата одат почесто на пешачење отколку пред тоа. Полека или со побрзо темпо? Сѐ е добро кога сте опкружени со природа, кога гледате зеленило, вода, полиња, шума, море...
Базените, фитнес студијата и другите сали за вежбање се затворени поради пандемијата. Но, тоа не смее да биде изговор. Јога или пилатес во дневна соба, велосипедска тура или трчање во парк - телесната активност им годи на срцето и циркулацијата. Како алтернатива се можни и невообичаени активности, на пример жонглирање или одење по јаже. Сето тоа е можно да се прави на доволно растојание.
Фотографија: picture-alliance/dpa/T. Warnack
Виртуелни патувања
Во време на корона не може да се патува како порано. Притоа, одморот од секојдневието е важен за телесната и душевната благосостојба. Има начин да се патува без да се изложувате на ризик, седејќи на каучот дома, и тоа со помош на големиот број апликации за патување со виртуелни очила. Ако не може да се патува вистински, може барем виртуелно.
Фотографија: Colourbox/L. Dolgachov
Добра книга
Многумина во време на корона имаат повеќе слободно време, затоа што работат со скратено работно време, или затоа што не мора да патуваат до работното место. Според анализа на институтот за истражување на пазарот ГфК, направена по повод Франкфуртскиот саем на книгата 2020, 13% од испитаниците многу почесто посегнуваат по книга отколку пред пандемијата. Добрата книга го намалува стресот и релаксира.
Полни шкафови, преполни подруми, полици со книги кои само што не се урнале од тежина... Кому не му се познати барем дел од овие работи? Расчистувањето може да придонесе да се чувствувате подобро. Дури и науката одамна има утврдено дека ослободувањето од старите работи создава нова енергија и ѝ чини добро на душата.
Фотографија: picture-alliance/dpa/R. Weihrauch
Вкусна храна
Рестораните се затворени во време на локдаун. Со оглед на тоа што многу луѓе седат дома, во Германија сега се готви многу повеќе отколку порано. Наместо брза храна, на менито во многу домови има јадења подготвени со многу љубов од членовите на семејството. Статистиката покажува дека добро оди и бизнисот со т.н. кутии за готвење, во кои се ставени рецепт и состојките кои се потребни за него.
Фотографија: Fotolia/MK-Photo
Градинарство
Садење, полевање, берба - градинарството релаксира дури и кога се нема многу смисла за работа со растенија. И, сеедно е дали се има градина или балкон. „Градинарството и растенијата имаат релаксирачко влијание врз процесите на здравеење и ориентација во животот“, објаснува хамбуршкиот терапевт Роланд Штраус на својата веб-страница.
Фотографија: picture-alliance/dpa
Медитација против стрес
Работа, фамилија, домашни задачи - честопати имаме толку многу обврски, што „не знаеме каде ни е главата“. Но, има начин за опуштање: различни истражувања покажуваат дека медитацијата ни дава поддршка за подобро да излеземе на крај со стресот. Оној кој го релаксира дишењето и духот, тој го опушта и телото, а од тоа профитираат, меѓу другото, и срцето и циркулацијата.
Фотографија: ASA/picture alliance
8 фотографии1 | 8
На работ на нервите
Свен Детман веќе се соочи со беспомошноста. Тој е одговорен за божиќниот панаѓур во средновековната тврдина во Шпандау, во Берлин. Во рустикална атмосфера овде се среќаваат луѓе на греано вино и колбаси. Во разговор со гостите и тој чувствува расположение како Рахел од Бон: радост што и среде пандемија луѓето може малку да се опуштат, но и збунетост. „Поголем дел од посетителите со кои разговарав се на крај на нервите и одвај чекаат пандемијава да заврши. Но, најголемата фрустрација им е тоа што нема крај на повидок, а неизвесно е дали некогаш ќе се вратиме во нормала како пред пандемијата“, вели Детман за ДВ.
Кризната комуникација може да помогне во справување со оваа фрустрација и дезориентираност. Франк Розелиб добро го знае тоа. Овој експерт за кризни ситуации раководи со Институтот за истражување на кризи и е советник на покраинската влада на Шлезвиг Холштајн за корона-мерките.
„Кај кризи кои траат подолго време луѓето очекуваат постојано да им се отвораат нови перспективи“, вели Розелиб. Оваа пандемија веќе имаше две такви клучни точки - вакцината, и потоа, кога стана достапна, самиот процес на вакцинација. Сега се поставува прашањето: која е третата перспектива? „Политичарите мора да размислат која порака ќе ја комуницираат, како ќе ја раскажат приказната и кон каков исход ќе ја насочат.“
Божиќниот панаѓур во Шпандау, БерлинФотографија: Partner für Spandau
Да се движиме кон пресметан ризик
Следниот чекот би можел да биде задолжителна вакцинација за сите. Тоа може да биде и јасно претставување на конкретни сценарија со соодветните последици. Воопшто и не смее да се дозволи да се појави безнадежност, вели Розелиб. „Мора да дојдеме до точка да кажеме дека ситуацијата е критична, но не и безнадежна. Инфекција со вирусот во некој момент ќе стане преостанат ризик и одиме натаму. Никогаш веќе нема да биде сѐ супер, но ќе биде многу подобро од сега. Значи, треба уште малку да издржите”, вели Розелиб.
Затоа, тој критички се осврнува на пасус во документ од експерти кои ја советуваат сојузната влада, а во кој се вели дека има брзото ширење на Омикрон-сојот носи сериозна опасност за критичната инфраструктура како противпожарните служби и полицијата. „Ми недостигаат референци за такво тврдење. Можеби е тоа точно за тесните грла во Велика Британија, но таму истовремено се справуваат со две кризи - покрај корона-пандемијата и со последиците од Брегзитот". Таква опасност не постои ако се погледаат Данска или Холандија, кои исто така имаат висок степен заразени со Омикрон и затоа, според, него таквите искази се „правење паника за која нема простор”.
Досега голем дел од населението во Германија ги поддржуваше построгите мерки. Според студијата на Козмо, сега повеќе од половината испитаници ја отфрлаат мерката за ограничување на контактите на вакцинираните лица. Социологот Вагнер смета дека тие бројки може да се сменат ако повеќе луѓе станат свесни за опасноста што произлегува од Омикрон-сојот.
Вакцини- адути на човештвото против Ковид-19
Глобалната кампања за вакцинација против Ковид-19 зема сѐ поголем замав. Во различни земји, создадени се или на повидок се вакцини, кои сега се главно оружје на човештвото во справувањето со пандемијата.
Фотографија: Francis Dean/Dean Pictures/imago images
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
Фотографија: Francis Dean/Dean Pictures/imago images
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
Фотографија: Matthew Healey/AFP/Getty Images
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
Фотографија: Channi Anand/AP/picture alliance
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
Фотографија: Aizar Raldes/AFP/Getty Images
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
Фотографија: Johnson/AP/picture alliance
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
Фотографија: Laily Rachev/Biro Pers Sekretariat Presiden
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
Фотографија: Justin Tallis/AFP/ Getty Images
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
Фотографија: picture-alliance/dpa/T. Schwarz
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Фотографија: C. Stoll/Sanofi
10 фотографии1 | 10
Вагнер за во иднина бара да се претстават конкретни сценарија кои покажуваат излез од пандемијата. Тоа, според него, е важно за да може да се мотивира населението и во оваа корона-зима. “„аквите сценарија не мора да бидат толку едноставни како во минатото”, вели Вагнер. „Луѓето може да разберат ако им се каже кои предуслови мора да се исполнети за да има олабавување на мерките”. Стратегијата ќе биде покомплексна, смета Вагнер. Вакцини, ограничувања на контактите и дополнителни мерки. Тоа и комуникацијата ја прави покомплексна.
Од тоа дали политиката ќе успее да најде вистински начин тоа да го искомуницира, пресудно ќе зависи дали населението ќе ги почитува мерките или ќе потоне во безнадежност во оваа втора пандемиска зима.