Францускиот претседател Емануел Макрон најави попуштање на строгите антикорона-рестрикции во земјата. Чекор по чекор, јавниот живот треба повторно да заживее.
Уште од оваа сабота продавниците во Франција ќе бидат повторно отворени, со почитување на хигиенски правила, најави синоќа францускиот претседател во телевизиско обраќање. Граѓаните повторно ќе можат подолго да ги напуштаат своите домови –имено три часа дневно во радиуас од 20 километри. Досега беше дозволен само еден час на ден во радиус од еден километар, доколу не постои итна причина како патување до работно место или посета на лекар. Од викенд ќе бидат отворени и црквите, дадена е можност за одржување богослужби, но со максимално 30 верници.
Општите ограничувања на движењето, според зборовите на Макрон, би требало да бидат укинати на 15 декември, со оглед на континуираниот пад на бројот на новоинфицирани. Но, ќе остане во сила полициски час од 21 часот навечер до седум часот утрото. На божик и Нова година луѓето ќе можат да се движат слободно, а нема да има ограничувања ни за семејствата кои сакаат да патуваат за време на Божиќните празници. Предвидено е на 15 декември почнување со работа и на кината, театрите и музеите. Баровите и рестораните меѓутоа ќе останат затворени подолго – плановите на владата предвидуваат – до 20 јануари. Дури следната година ќе добијат дозвола да отворат и француските скијачки центри.
„Го пребродивме најлошото. Кулминацијата на вториот бран помина", истакна Макрон. Тој смета дека напорите за сузбивање на коронавирусот вродиле плод, но тие мора да бидат продолжени. „Мораме да направиме сѐ за да избегнеме трет бран и нови ограничувања на движењето", потенцираше претседателот.
Од воведувањето на новиот локдаун пред триипол недели, растот на инфекциите во Франција е значително забавен. На почетокот од неделава бројот на новорегистрираните инфекции за првпат од крајот на септември не ја надмина границата од 5.000 во текот на едно деноноќие, која Макрон пред четири недели ја постави како цел. Бројот на смртни случаи во меѓувреме премина преку 50.000, Фрација се смета за една од најпогодените земји во Европа од пандемијата на коронавирус.
Држење дистанца- креативно!
Многу експерти нагласуваат дека и по доаѓањето на вакцината најважните заштитни мерки против коронавирусот- маските и физичката дистанца- уште некое време ќе бидат секојдневие. Но, тие можат да се следат и покреативно.
Фотографија: picture-alliance/dpa/A. Dedert
Љубов на далечината
Да се оствари пријатно познанство или да се флертува со убава девојка или убаво момче седејќи на клупа? Зошто да не! Само не заборавајте да држите дистанца. Оваа клупа укажува дури и колкава.
Фотографија: picture-alliance/ANP/B. Grösse
Мечиња на маса
Во моментов, во многу ресторани во Германија, на секоја втора маса има натпис „Ве молам, не седнувајте“. Сопственикот на ресторанот „Beef'n Beer“ во Хофхајм на Таунус го решил овој проблемот духовито: на секоја маса на која не треба да се седи ставил плишни мечиња.
Фотографија: picture-alliance/dpa/A. Dedert
Во друштво на кралицата
Ресторанот „Клостервирт“ во центарот на Минхен избра друга опција. Од 25 мај тука можете да вечерате со британската кралица и со други светски познати личности. Големи фотографии од нив „седат“ на масите кои треба да останат празни.
Фотографија: picture-alliance/dpa/P. Kneffel
Максималната шапка на Максима
Шапката со широк обод ќе ви помогне да држите дистанца со стил. Каква што е, на пример, оваа шапка на кралицата на Холандија Максима. Иако е пожелно таа да биде уште поголема.
Фотографија: picture-alliance/Dutch Photo Press/P. van Katwijk
Разреден аудиториум
Драмскиот театар „Берлински Ансанбл“ во германската престолнина се подготвува повторно да ја пречека публиката. Но, сè уште не во целост. За идните настапи одлучија значително да ги „разредат“ редовите со места за гледачите.
Фотографија: picture-alliance/dpa/B. Pedersen
Во својот круг
За да не се преполнат одморалиштата во парковите и тревниците, властите во германскиот градХајделберг решија да исцртаат кругови на тревата со креда. Ем безбедно, ем сите спокојни.
Фотографија: picture-alliance/dpa/U. Anspach
Куче со елизабетанска јака
И сопственикот носи маска, и кучето е заштитено со јака, која им е позната на многу љубители на кучиња и пред пандемијата на коронавирусот. Се нарекува ветеринарна или елизабетанска јака или конус. И сопственикот може да носи нешто слично (ако сака!).
Фотографија: picture-alliance/NurPhoto/A. Widak
Плисирани здолништа
Овие меки здолништа (добро, можеби малку потесни) се носеа во ерата на англиската кралица Елизабета I. Со нив, растојанието е загарантирано!
Фотографија: picture-alliance/dpa/A. Marchi
Држете го клунот на растојание
Ова е маска од познатиот карневал во Келн. Слични се носеле уште во Средниот век. Но, тогаш се верувало оти со нив се заштитувале од чума. Сега - од коронавирусот.
