Предупредувањата на францускиот претседател се сѐ погласни: Доколку режимот на Башар ал-Асад употреби хемиско оружје, Париз ќе реагира. Притоа Макрон на своја страна има една суперсила.
Фотографија: Getty Images/L.Marin
Реклама
Претседателот на Франција Емануел Макрон се закани дека ќе бомбардира цели во Сирија доколку владините сили користат хемиско оружје против цивили, пренесе новиската агенција Франс Прес.
Меѓутоа, тој рече дека сѐ уште не видел цврсти докази за тоа, но оти тоа е „црвената линија“. „Јас и на рускиот претседател Путин му реков дека хемиското оружје е црвената линија. Ако имаме докази оти користеле хемиско оружје и ги кршеле меѓународните прописи ние ќе го бомбардираме местото каде што се прават. Засега нашите служби сѐ уште не утврдиле, според меѓународните стандарди, дека тие тоа го користат против цивили“, појасни Макрон.
Сириската влада негира, но некои организации кои ја следат ситуацијата во државата тврдат оти режимот на претседателот Башар ал-Асад во повеќе наврати употреби бојни отрови против цивили. Во последните недели хуманитарните организации од САД доставија наоди дека режимот на Асад користи хлор, кој легално го увезува, како боен отров против цивили во бунтовните провинции Гута и Идлиб.
Фотографија: Getty Images/S.Al-Doumy
Уште на почетокот на месецот од владини извори во Вашингтон беше објавено дека САД ја држат отворена можноста за воен напад, доколку сириската влада повторно употреби хемиско оружје. Претседателот Доналд Трамп не исклучува ниту една опција, беше објавено тогаш. Во минатата година САД бомбардираа една воздухопловна база на сириските сили откако градот Чан Шеичун, кој беше под контрола на бунтовниците, наводно беше нападнат со хемиско оружје.
Алепо: Уништувањето на раскошниот град
Алепо пред војната беше метропола полна со живот, омилена туристичка цел и економско срце на Сирија. Денес источниот дел на градот е разурнат. Фотографиите од пред војната и сега ги покажуваат размерите на уништувањето.
Џамијата Омејади пред војната
Ова е фотографија од 2010 година. Бунтовите во арапскиот свет тогаш не беа стигнати до Сирија и Алепо. Џамијата е изградена во 775 година и е дел од Светското културно наследство на УНЕСКО.
Фотографија: Reuters/K. Ashawi
Џамијата Омејади денес
Џамијата беше тешко оштетена во борбите во 2013 година. На 24 март 2013. се урна минарето изградено во 11. век. Денес џамијата наликува на напуштена руина.
Фотографија: Reuters/O. Sanadiki
Амамот Ел Нахасин пред војната
Во амамот во старото градско јадро на Алепо посетителите уживаат во мирот по направената бања. Фотографијата е направена есента 2010 година.
Фотографија: Reuters/K. Ashawi
Амамот Ел Нахасин сега
Шест години потоа амамот не зрачи со мир и спокојство. „Раните“ од војната му се видливи.
Фотографија: Reuters/O. Sanadiki
Цитаделата на Алепо пред војната
Цитаделата на Алепо е една од најстарите и најголемите тврдини на светот. Голем дел од објектот е изграден во 13. век.
Фотографија: Reuters/S. Auger
Цитаделата денес
Некогашната туристичка атракција е во голем дел уништена и денес како сениште се издига над градот.
Фотографија: Reuters/O. Sanadiki
Старото градско јадро некогаш
24. ноември 2008 година: Старото градско јадро на Алепо. Луѓе седат во кафулињата, сместени како во рамка од шарени светла.
Фотографија: Reuters/O. Sanadiki
Старото градско јадро денес
13 декември 2016: Старото градско јадро е престорено во прав и пепел.
Фотографија: Reuters/O. Sanadiki
Трговскиот центар Шахба пред војната
Божиќни подароци висат закачени на таванот на трговскиот центар Шахба во декември 2009 година. Петкатниот трговски центар беше отворен во 2008 година и се вбројуваше во најголемите во Сирија.
Фотографија: Reuters/K. Ashawi
Трговскиот центар Шахба денес
„Трајно затворен“ - оваа информација се појавува на Гугл кога се пребарува поимот „Shahba-Mall“ денес.Трговскиот центар беше тешко оштетен во воздушните напади во 2014 година.
Фотографија: Reuters/A. Ismail
Пазарот Ал Зараб пред војната
Влезот во пазарот Ал Зараб во 2008 година, облеан во топла светлина.
Фотографија: Reuters/O. Sanadiki
Пазарот Ал Зараб денес
Декември 2016: Влезот во пазарот е уништен речиси целосно.
