Мас: А сега да им помогнеме да се справат и со коронавирусот
24 март 2020![Nord-Mazedonien Außenminister Maas in Skopje mit Zaev und Dimitrov](https://static.dw.com/image/51261582_800.webp)
Европа остана на својот збор“, вели германскиот министер за надворешни работи Хајко Мас во соопштение по одлуката на ЕУ да одобри почеток на пристапните преговори со Северна Македонија и Албанија.
„Обете земји постигнаа многу во зајакнувањето на правосудниот систем и борбата против организираниот криминал и корупција. Со Преспанскиот договор и со договорот за добрососедство со Бугарија, Северна Македонија направи историски чекори за помирување во регионот“, оценува Мас. Германскиот министер оценува дека стабилни и демократски правни држави на Западниот Балкан се и во стратешки интерес на ЕУ и на Германија. Но, притоа ја потсетува ЕУ дека сега е моментот и за поинаква помош:
„Токму сега овие земји бараат поддршка и солидарност од ЕУ. Нивните ослабени здравствени системи тешко се справуваат со вирусот. Ние мораме оваа битка да ја водиме заеднички затоа што вирусот при пренесувањето не познава граници“, порачува Мас.