Германија и Јордан се надеваат на успех на Блиско источната конференција во Анаполис и покрај последното насилство во појасот на Газа - ова го нагласија канцеларката Ангела Меркел и Јорданскиот крал Абдула Втори на заедничката средба во Берлин. И двете страни се надеваат дека ќе има напредок во мировниот процес. Јорданскиот крал и германската канцеларка се заложија и за решение на две држави. Меркел потенцираше дека од сите страни се прават сериозни напори за да се постигне долгорочно решение.