Кородинатор на меѓународната акција против италијанската мафија беше Европската агенција за правосудство - Еуројуст. Акцијата во Германија се одвиваше во покраините Северна Рајна Вестфалија и Баварија. Само на германска територија е извршен претрес на повеќе од 100 објекти, меѓу кои и пицерии, пишува весникот „Билд“.

Калабриската 'Ндрангета важи за најмоќна италијанска мафијашка организација. Таа доминира со шверцот на дрога во насока на Европа, но пари заработува и со трговија со оружје, перење пари и корупција. Експертите проценуваат дека 'Ндрангета годишно прави обрт помеѓу 50 и 100 милијарди евра. Американската сојузна полиција ФБИ смета дека 'Ндрангета, која е основана во 1860 година, има околу 6.000 членови и 160 кланови. Поимот 'Ндрангета потекнува од грчкиот јазик и значи нешто како храброст или верност.

'Ндрангета е активна и во Германија. Нејзе ѝ се припишува мафијашкото убиство во Дуизбург во 2007 година.

Колку лица се уапсени и каде точно имало претреси засега не е познато. Според италијанската новинска агенција Анса, акции имало и во Јужна Америка.

Повеќе: 

Мафијата во Србија стана недопирлива

Нова европска мафија

Вчера италијанските иследници ѝ нанесоа тежок удар на сицилијанската Коза Ностра. Во акцијата беа уапсени 46 мафијаши, меѓу кои и еден од шефовите на Коза Ностра, соопшти италијанската полиција. Се тврди дека е разбиено раководството на мафијашката организација. Уапсените 46-мина мафијаши се осомничени за илегално поседување оружје, уцени, насилнички напади и подметнување пожари.