Британската премиерка се обидува да внесе нов импулс во преговорите за Брегзит. Сега откако Обединетото Кралство натамошно ја разви својата позиција, ЕУ мора да го стори истото, смета Меј.
Фотографија: picture-alliance/AP Photo/M. Dunham
Реклама
Британската премиерка Тереза Меј ги повика лидерите од ЕУ да направат повеќе отстапки во тешките преговори за Брегзит.
Меј во колумна во германскиот весник „Велт“ пред вечерашниот состанок со лидерите од ЕУ во Салцбург повика да се пронајде заеднички јазик во преговорите за Брегзит.
Таа побара лидерите на членките на Унијата да го омекнат ставот за прашањето околу ирската граница, иако општиот тон на колумната е помирлив.
„Ниту една страна не може од другата да бара нешто неприфатливо, како што се надворешни царински граници помеѓу разни делови во Велика Британија“, наведе Меј, мислејќи притоа на можноста царинските прописи во Северна Ирска да бидат поинакви од остатокот на Обединетото кралство.
Фотографија: picture-alliance/empics/N. Carson
Главниот европски преговарач за Брегзит, Мишел Барние, рече оти ЕУ е подготвена да изнесе нов предлог за ирската граница.
Британската премиерка Тереза Меј пред состанокот во интервју за Би-Би-Си изјави дека е вознемирувачка приказната за нејзината политичка иднина по преговорите со Брегзит, но оти сега вниманието треба да биде насочено кон иднината на Велика Британија.
Конзервативната партија на Тереза Меј е поделена околу Брегзит, бидејќи некои од нејзините влијателни членови се залагаат за целосен прекин на односите со Унијата и разгледуваат смена на премиерката.
Збогум Британија, ние си заминуваме...
Британските компании многу пати предупредуваа за потенцијалните негативни последици по економијата од Брегзит. По референдумот за напуштање на ЕУ, некои компании размислуваат да ги релоцираат компаниските седишта.
Фотографија: picture-alliance/dpa/W. Kumm
Водафон
Втората по големина компанија за мобилна телефонија во светот ја разгледува опцијата да го премести своето седиште надвор од Британија по Брегзит. Диселдорф би можел да биде една од опциите за новото седиште на компанијата. Водафон веќе е присутна во германскиот град каде вработува околу 5.000 луѓе, исто така, Германија е најголемиот пазар на компанијата.
Фотографија: Getty Images/AFP/M. Hayhow
Рајанер
Најголемата авиокомпанија за ефтини летови во Европа официјално е регистрирана во Ирска, но голем дел од нејзината флота е лоцирана во Британија. Но, тоа може наскоро да се смени – од Рајанер најавуваат дека своите летала повеќе нема да ги стационираат таму.
Фотографија: picture-alliance/dpa/M. Scholz
Изиџет
Втората по големина авиокомпанија за ефтини летови во Европа е базирана во Лондон, но, до кога? „За тоа ќе видиме“, изјави извршната директорка на компнанијата Керолин Мек Кол во телевизиско интервју. Изиџет е една од најпрофитабилните компании во Европа.
Фотографија: Getty Images/AFP/F. Guillot
Вирџин
Ричард Бренсон е еден од најпознатите бизнис личности во Британија. За Брегзит тој изјави: „Британија е насочена кон економска катастрофа“. Неговиот конгломерат изгуби една третина од вредноста по референдумот во земјата. Бренсон ја повика владата да организира втор референдум.
Фотографија: Getty Images/AFP/D. Leal-Olivas
ЏејПиМорган Чејс
Најголемата банка во САД вработува околу 16.000 луѓе во Лондон. Но, менаџментот сега разгледува повеќе можности да премести дел од операциите надвор од Британија. Извршниот директор на банката, Џејми Димон, пред референдумот изјави дека помеѓу 1.000 и 4.000 работни места може да бидат преместени надвор од Лондон доколку се случи Брегзит.
Фотографија: Getty Images/C.Gillon
Виза
Оваа компанија ќе нема голем избор освен да го намали бројот и обемот на активностите во Британија, што ќе доведе до кратење на стотици работни места. Според регулативата на ЕУ, компанијата мора да одржува центар за податоци во земја на ЕУ. Што практично ќе значи крај за податочниот центар на компанијата во Лондон.
Фотографија: Imago
Форд
Од Форд неколку пати изјавија дека Британија е „клучен пазар“ за компанијата во Европа. Фабриката на Форд во Дагенхам произведува делови и мотори за филијалите на компанијата во Германија. По одлуката за напуштање на ЕУ, од Форд изјавија дека компанијата ќе ги преземе сите потребни мерки да остане конкурентна на пазарот.
Фотографија: picture-alliance/dpa
Јагуар Ленд Ровер
Сепак, сите компании не се песимисти. „Ние сме Британци и стоиме зад Британија“, изјави Едријан Халмарк, одговорен за стратегии во Јагуар Ленд Ровер. Нема промени во нашите бизнис планови, уверува Халмарк за периодот од следните две години во кои Британија со сигурност ќе остане дел од ЕУ.
Фотографија: picture-alliance/dpa/D. Jones
8 фотографии1 | 8
Меј оцени дека разговорите за раководството на партијата им одмагаат на преговорите за Брегзит.
„Малку ме вознемируваат, но дебатата не се води за мојата иднина, туку за иднината на народот во Велика Британија и за Велика Британија“, изјави Меј.
Таа порача оти сега сите би требало да бидат фокусирани на иднината на Велика Британија.
