Министрите за внатрешни работи на земјите од германското говорно подрачје се договорија за поинтензивна соработка во борбата против тероризмот. На крајот од редовната годишна средба, министрите на Германија, Австрија, Швајцарија и Лихтенштајн донесоа одлука за создавање посебна работна група што ќе ги координира активностите на ова поле. На вчерашната средба во Вајмар австрискиот министер за внатрешни работи Гинтер Платер ги поддржа предлозите на германскиот колега Волфганг Шојбле, вклучувајќи го и шпиунирањето на приватните компјутери преку интернет.