Божикниот период во Витлеем, градот на раѓањето на Исус, вообичаено е шаренолик, гласен и празничен. Но, годинава сите прослави во палестинскиот град се ограничени - поради пандемијата на коронавирусот.
Реклама
Прославата на Божик во Витлеем не е откажана, но ќе биде сосема поинаква поради корона-кризата.
Предбожикниот период вообичаено е најпрометен период во родниот град на Исус на опалестинскиот Западен брег.
Празнично украсената божикна елка како и секоја година беше свечено поставена пред Црквата на Христовото раѓање, но освен тоа изминатите денови речиси ништо друго не наликуваше на вообичаените предбожикни денови во градот.
На плоштадот пред црквата на Христовото раѓање е невообичаено тивко. Одвреме навреме можат да се види како некои мештани прават селфи пред божикната елка Продавачите на кафе на неколку тезги нудат топли пијалоци.
Но, туристичките групи не се тука со месеци. Ова беше тешка година за палестинскиот град кој во најголем дел живее од туризмот.
Божиќните светла во Европа
Раскошно накитени плоштади и булевари - кога доаѓа Божик, европските градови блеснуваат најдобро што можат. Светлината и сјајот треба да дадат надеж и увереност дека ќе биде добро, особено во вакви времиња на пандемија.
„Локдаунот“ во Велика Британија на територија на целата држава, е завршен. Продавниците и рестораните повторно отворија, животот се враќа на улиците. Навреме за божиќен шопинг! Купувањето проследено со сјајот на огромните светлечки синџири е задоволство.
И австрискиот главен град ги олабавува рестрикциите пред Божик. Вечерните часови жителите на Виена можат да ги искористат за купување, минувајќи покрај елката на Ратхаусплац и лакот со светла на кој се поставени свеќи за четирите Адвенти.
Фотографија: Herbert Neubauer/apa/picturedesk/picture alliance
Прага, Староградски плоштад
Божиќната елка е доминантна на Староградскиот плоштад во главниот град на Чешка. Вообичаено на плоштадот врие од туристи од цел свет, но годинава тој им припаѓа само на жителите на Прага. Тука, и во околните сокачиња на старото градско јадро, тие се подготвуваат за божиќната прослава.
Шик! Од Французите и не се очекува ништо друго. Божиќната декорација во познатата стоковна куќа Галерија Лафајет и оваа година е мала сензација. И во Франција завршија острите рестриктивни мерки, па луѓето повторно можат да го посетуваат шопинг-храмот и да се воодушевуваат на светлечкиот рај.
Луѓето во Полска можат малку за здивнат - се намалува бројот на инфицирани со коронавирус, а острите рестриктивни мерки се малку олабавени. Луѓето во Краков сега може да уживаат во магијата на Божик.
Голем е, раскошен, а сепак, кога си таму, имаш чувство дека си дома - Големиот плоштад во срцето на белгискиот главен град со околните згради со раскошни фасади е перфектна кулиса за 18 метри високата елка. Плоштадот од 1998 година е на листата на УНЕСКО на Светско културно наследство.
Во Русја подароците ги носи Дедо Мраз и тоа дури на дочекот на Новата Година, на 31 декември. Божик во Русија се слави на 7 јануари. Доволно поводи за свечено украсување на улиците и плоштадите во Москва.
Главниот град на Шпанија секоја година за Божик има фестивал на светла. До 6 јануари се осветлени најважните улици, плоштади и знаменитости. А, дел од тоа е, се разбира, и главниот плоштад - Плаза Мајор. Така е и годинава, и покрај пандемијата.
Фотографија: Cordon Press/R4097/picture alliance
Берлин, Бранденбуршка капија
Во главниот град на Германија годинава нема божиќни панаѓури. Причина - пандемијата на корона. Но, како и секоја година, пред Бранденбуршката капија трепкаат светлата на големата елка.