Најсилно ги осудуваме тековните напади врз членови на парламентот во Скопје. Насилството во парламентот е целосно неприфатливо и повикуваме на смиреност и воздржаност“, велат во заедничката изјава високата претставничка на ЕУ за надворешна политика Федерика Могерини и комесарот за проширување Јоханес Хан. 
„Демократијата мора да продолжи по својот пат. Го поздравуваме изборот на Талат Џафери за парламентарен спикер. 
ЕУ е убедена дека политичкиот дијалог во институциите е единствениот пат напред и ги повикуваме сите актери да го почитуваат Уставот на државата и да делуваат во духот на демократските принципи, пристојност и здрав разум. 
Европската Унија е подготвена да работи со парламентот на неопходните реформи за да се придвижи земјата напред кон европскиот пат“.