Дојранското Езеро беше избалансирано високо продуктивно езеро, со богата флора и фауна и најбогато со риба во Југоисточна Европа. По екоцитот во 1988 година, беше доведено на работ на опстанок. Исчезнаа над сто видови алги, а на нивно место се создадоа други кои дотогаш не беа доминантни. Овие нови алги почнаа силно да се развиваат и да предизвикуваат таканаречено „цветање на водата“ која сега позеленува, поцрвенува, побелува, а што според научниците предизвика цел синџир на реакции во езерото. Тоа пак, придонесе за натрупување на мртва органска материја која предизвика биолошки разградувања и го потроши кислородот од водата. Тоа предизвика масовно изумирање на школките во езерото. Со изградба на системот Ѓавато, а посебно со врнежите во последните две до три години, донекаде се вратија неговите води, но тоа не значи дека во езерото се врати некогашната флора и фауна. Воспоставувањето на еколошкиот баланс е далеку потежок и подолготраен процес.

Автор: Антоанела Димитриевска

Редактор: Елизабета Милошевска Фиданоска