Мосул: цивилите се борат да преживеат во ослободениот град
СН/ дв
24 јули 2017
По девет месеци брутални борби, ирачките сили пред две недели го ослободија упориштето на Исламска држава. Додека полицијата го расчистува градот од експлозивни направи, цивилите се враќаат во своите домови.
Фотографија: Reuters/A. Konstantinidis
Реклама
Страдањето е запишано на секој агол на разурнатиот Мосул.Војна беснееше во градот во последните девет месеци. Пред две седмици Мосул беше ослободен од окупацијата на терористичката организација Исламска држава. Сега федералната ирачка полиција го расчистува регионот.
„Во изминатата недела сите единици на федералната полиција, врз основа на наредба на раководството на полицијата, започнаа со расчистување на делови од градот во потрага по импровизирани експлозивни направи и по милитанти од Исламска држава кои се кријат под земја или во тунели“, објаснува командантот на федералната ирачка полиција.
„Исламска држава ја запали мојата куќа. Тие не престанаа да пукаат во нас, немаа милост кон никого“, раскажува жителот на Мосул, Башар. „Не можев да заминам, зашто тие ќе пукаа со минофрлачи по нас. Се криев во подрумот цел месец, не се осмелував да излезам надвор“.
На Башар, но и на илјадници семејства им е потребна итна помош во храна за да можат да преживеат во намачениот град.
Битката за Мосул
Што се случува во Мосул од започнувањето на операцијата за ослободување на градот од „Исламска држава“?
Додека ирачките сили навлегуваа во територијата окупирана од „Исламска држава“, во операцијата за ослободување на Мосул, пронајдоа масовна гробница со стотина тела, повеќето обезглавени. Сликата покажува коски и тела во распаѓање кои беа ископани од земјата. Ирачки полициски офицер држи детска играчка која била најдена на местото.
Фотографија: picture-alliance/AP Photo
Сведоштво за бруталностa
Гробницата која беше пронајдена во близина на градот Хамам Ал Алил во близина на Мосул е сведоштво за бруталноста на „Исламска држава“. Милитантите на ИД извршија серија на масакри по освојувањето на големи делови од јужен и централен Ирак во 2014 година. Оваа слика покажува ирачки војник кој врши инспекција на зграда која била користена како затвор од страна на ИД во Хамам ал Али.
Фотографија: Reuters/T. Al-Sudani
Ослободени од терор
Овие мажи, бегалци од ирачката област Хамам ал Али го прославуваат ослободувањето на нивното село од страна на ирачките сили. Сега можат да се вратат во своите домови.
Фотографија: Getty Images/AFP/A. Al-Rubaye
Запалени полиња со нафта
Како одговор на воената офанзива, „Исламска држава“ ги запали полињата со нафта. Командир на ирачките воени сили изјави дека повеќе од 5.000 цивили биле евакуирани од источните делови на Мосул и биле сместени во кампови. Изненадувачката офанзива на здружените сили покажа дека дури и кога е под напад, ИД може да предизвика хаос во различни делови на Ирак кои се далеку од базата во Мосул.
Фотографија: Reuters/A. Al-Marjani
За што се војува во Мосул?
Чад се издига за време на судирот помеѓу Пешмерга и милитантите на ИД во градот Башика, источно од Мосул. Првично, градот беше користен од ИД за воспоставување на својот калифат, а подоцна како извор на ресурси. Мосул е база за операциите на ИД со хемиско оружје. Античкиот град Асириан е витален ресурс за приходи од данок и принудна работа за ИД.
Фотографија: Reuters/A. Lashkari
Улогата на ирачката армија и нејзините сојузници
Ирачките специјални сили се во засолниште откако нападнати од снајперски оган на ИС. Заедно со курдската Пешмерга и шиитските милиции, ирачките сили ги засилија борбите и продолжија кон освојување на погусто населени зони од градот без воздушна поддршка од коалицијата предводена од САД поради високиот ризик од цивилни жртви.
Во меѓувреме, дел од силите на курдската Пешмерга се фокусираат на други упоришта на „Исламска држава“ во северен Ирак и во градот Киркук каде ИС лансираше серија на насилства како одговор на напредокот на ирачката армија кон Мосул.
Фотографија: picture-alliance/dpa/A. Dicenzo
Бегалци од војната
Обединетите нации изјавија дека повеќе од 34.000 луѓе ги напуштиле своите домови во Мосул од почетокот на операцијата во средината на октомври. Три четвртини се сместени во кампови, а останатите во заедници за бегалци.