Криминал
Мртви и повредени во напади во германскиот град Ханау
20 февруари 2020![Deutschland Bluttat in Hanau | Mehrere Tote durch Schüsse](https://static.dw.com/image/52438141_800.webp)
Реклама
Непознати напаѓачи пукале врз гости во два ткн. „шиша“ барови во германскиот град Ханау. Според најтиражниот германски весник Билд, во нападите загинале најмалку 8 луѓе. Полицијата засега нема точна бројка на загинати и ранети, ниту објаснување за мотивот на нападот.
Најпрво бил нападнат бар во центарот на градот, а напаѓачот или напаѓачите потоа пукале во уште еден бар во друга градска населба.
Ханау е град од 100 илјади жители во близина на Франкфурт.
Локалните медиуми јавуваат за масовно полициско присуство во градот кој го надлетуваат и хеликоптери.
Полицијата досега ја потврди информацијата за повеќе повредени, но не и за жртви во нападот. Она што е досега познато е дека напаѓачите пукале од автомобил во движење.