Според истражувањето на НАСА, Mесечината полека губи топлина, што предизвикува нејзината површина да се збрчка, како грозје што се претвора во суво грозје. Но, тоа не е сè: нејзината површина се намалува! Месечината стана околу 50 метри „послаба" во обем во изминатите неколку стотина милиони години.

Теоретичарите на заговор веруваат дека слетувањето на Месечината е лажно и оти Нил Армстронг и Баз Олдрин на 21 јули 1969 година, чекорелево студио наместо на Месечината. Тие укажуваат на фактот дека знамето поставено од Олдрин се виорело како да е придвижено од ветер, што е невозможно во вакуумот во вселената. Објаснување на НАСА: Олдрин го извртел држачот на знамето кога го забодел во земја.

Лето е, можеби се препотувате на горештините во моментов. Но, запомнете: температурите на Месечината се далеку поекстремно. Кога Сонцето ја грее нејзината површина, температурата може да достигне до 127 Целзиусови степени. Без топината на сончевата светлина, температурата може да падне и до -153 Целзиусови степени. Бррр!

Митот за личност која живее на Месечината постои речиси исто колку што и самиот земјин сателит. Некои луѓе гледаат лице на површината на полна Месечина, составена од темни лунарни рамнини и посветли лунарни висорамнини. Многу култури имаат приказни за вистински човек кој направил нешто погрешно и поради тоа бил протеран на Месечината. Сепак, астронаутите допрва треба да ги сретнат.

Месечината се оддалечува од Земјата со брзина од речиси 4 сантиметри годишно. Колку подалеку толку помалечок ни изгледа нашиот сателит. За околу 550 милиони години, ќе изгледа према за да го „покрие“ целото Сонце, дури и во најблиската позиција до Земјата. Тоа значи нема да има повеќе тотални затемнувања на Сонцето.

Ах, завивање на полна Месечина - не постои постар хорор филм без тоа. Но, всушност, волците не го интензивираат нивното завивање на полна Месечина, и тие не го насочуваат своето завивање кон Месечината. Тие едноставно завиваат ноќе кога, исто така, најмногу се гледа полната месечина. Тоа може да биде една од причините зошто нашите предци ги поврзале овие две работи.

12 луѓе досега стапнале на Месечината. Иако се од различни професионални полиња, тие имаат неколку заеднички работи: Сите се Американци, сите се бели и сите се мажи. Ајде да видиме од каде ќе биде првиот не-Американец на Месечината - можеби тоа ќе биде жена и / или личност со друга боја на кожата!

Сентинел -1 би требало да тестира една револуционерна идеја: датотека на податоци во вселената. Сателитот е опремен со специјален ласер, кој овозможува брза размена на големо количество податоци. Тоа е посебно важно кога времето може да чини животи, како што е во случај на природни катастрофи. Сега можат да се видат првите фотографии.

Само десетина дена по стартот во вселената, Сентинел -1 ја направи првата фотографија. Во согласност со европскиот проект, таа го прикажува белгискиот главен град Брисел.

Ова е фотографија на глечер на островот Пајн. Од таа гигантска маса на западниот Антарктик секоја година милијарди тони мраз завршуваат в море. Последица на глобалното затоплување: предниот дел од глечерот, според оценката на експертите, секоја година се намалува за еден километар.

Каприви е област во североисточниот дел од Намибија. Во дождовниот период, од декември до март, реката Замбези поплавува многу делови од таа област. Со својата мрежа на водени текови, областа Каприви е единствена во Намибија во која преку цела година има вода, а со тоа и животни.

Најсеверниот дел од Антарктикот го сочинува еден полуостров. Неговите планини се високи до 2800 метри и се сметаат за продолжение на јужноамериканските Анди. На антарктичкиот полуостров се наоѓа најголемата концентрација на истражувачки станици на континентот.

Аустфона на Свалбард во Норвешка, со своите 8.120 квадратни метри, е најголемиот глечер во Европа. Заедничките мерења на Сентинел-1 и Германскиот вселенски центар ДЛР покажаа дека таа област се движи десет пати побрзо отколку што досега се мислеше.

Овде со боја е означен островот Северен Сентинел, најзападниот Андамански остров во Индискиот Океан. Пристапот кон него од 1966. година е строго забранет. На него живеат припадници на племето Сентинел, кои упорно одбиваат секаков контакт со останатиот свет.

Салар де Ујуни е најголемата солена пустина во светот. Таа настанала пред повеќе од 10.000 години откако пресушило езерото. Салар де Ујуни се наоѓа на надморска височина од над 3.600 метри во југозападна Боливија.