Прогрес во политичкиот дијалог, докомплетирање на судскиот совет и имплементација на законот за полиција се краткорочните мерки кои ги бара НАТО од Македонија. Ова го изјави македонскиот министер за одбрана Лазар Еленовски по вчерашната средба во Брисел со ЕУ Тројката која ја сочинуваат министрите за одбрана на Португалија, Германија и Словенија, односно актуелниот, претходниот и идниот претседавач со Унијата. Пофалени се реформите во одбраната, но неопходен е прогрес во политичкиот дел, нагласиле министрите за одбрана.