Пет дисциплини во кои темпото е во преден план - спуст, супер велеслалом, слалом и велеслалом, како и алпска комбинација, која се состои од слалом и спуст.

Млад, свеж и спектакуларен спорт - скијањето во слободен стил на писта со возвиенија или на скокалница го има уште од 1992 година, но во Сочи првпат ќе има две нови дисциплини во овој спорт: халфпајп-натпреварите за жени и мажи, како и слоуп-стил.

Сноубордот е олимписки спорт од 1998 година, но сега првпат ќе бидат доделни златни медали во дури 10 дисциплини. Покрај велесалаломот, халфпајп и сноубордкрос, сега ќе има и слалом во кој растојанието меѓу знаменцата ќе биде пократко, а тука е и слоуп-стилот - минување на патека со препреки полно со акробации.

Комбинацијата на скијачко трчање и стрелање е најпопуларен зимски спорт во Германија. На десет натпревари во женска и машка конкуренција ќе се настапува индивидуално или во тим. Новина, притоа, е мешаната штафета. Германските биатлонци редовно бележат успеси на Олимпијадите.

Класика на програмата на зимските олимписки игри се 12-те натпревари во класичното скијачко трчање и во слободен стил (скејтинг). Кога на целта одлучувачки се сантиметри, понекогаш е забавно (фото). Германските атлети досега имаат освоени четири златни, десет сребрени и четири бронзени медали.

Истрел за старт, залет и летање - учесниците на ЗОИ ќе скокаат од нормална скокалница (98 метри) и од голема скокалница (125 метри). Во Пјонгчанг по вторпат се натпреваруваат жени. Во „кралската дисциплина“ на нордиското скијање - нордиската комбинација, се комбинираат скијачки скокови и трчање.

Бобот е олимписки спорт од 1924 година и Германците тука освојуваат многу медали. Има две дисциплини - двосед и четворосед. Жените се натпреваруваат во возење боб од пред 12 години.

По замрзнати канали се спуштаат и санкачите - сами или по двајца лежат на санките на грб. Во Сочи првпат ќе има тимска штафета. Притоа еден по друг поединечно ќе се спуштаат еден маж и една жена, а по нив ќе се спушти и санка двосед. Кога едниот ќе стигне на целта дава сигнал да почне да се спушта вториот член на тимот.

За скелетон е потребна голема храброст, зашто натпреварувачите лежат на стомак на санките и низ каналите се спуштаат со главата напред. Санката наликува на скелет, па оттука и името - скелетон. По пауза од 20 години скелетонот од 2002 година е повторно олимписка дисциплина.

Кај карлингот, слично како во бочањето, камената кугла треба да се намести што е можно поблиску до или во центарот на еден круг. Во Сочи во карлинг ќе се натпреварува само машки тим, жените не успеаја да се квалифицираат.

Во уметничкото лизгање се комбинираат определени елементи, пируети и скокови. Покрај натпреварите во машка и женска конкуренција поединечно и во парови, во Пјонгчанг по вторпат ќе има и екипно натпреварување.

Брзото лизгање е дел од Олимпијадите уште од почетокот, од 1924 година. Спортистите се натпреавруваат на шест различни дистанци меѓу 500 и 10.000 метри. Има и екипно натпреварување. Најуспешна германска спортистка во оваа дисциплина е Клаудија Пехштајн, која има освоени 5 златни, 2 сребрени и 2 бронзени медали.

Брзото лизгање на кратки патеки се разликува од класичното брзо лизгање по должината на патеката. Таа изнесува само 11 наместо 400 метри. Во брзото лизгање на кратки патеки има штафета и натпревари во поединечна конкуренција.

Хокеј на мраз е дел од ЗОИ уште од почетокот и тука доминираат руските и северноамериканските тимови. Од игрите во Нагано, во 1998 година, во хокеј на мраз се натпреваруваат и женските екипи. Германките важат за аутсајдери.

Кина, што се однесува до техничките „зафрканции“ е често меѓу лидерите во светот. Корисно или само оригинално? Тоа е споредна работа. Роботите, како на фотографијата, веќе преземаат келнерски задачи во ресторан.

Се разбира, малите хуманоидни машини се извонредни за носење на готовото јадење на маса. Предноста е што роботите никогаш не се уморни, а и не мрморат - тие едноставно си ја вршат работата. Само што, кога гостите сакаат на нешто да се пожалат, станува компликувано...

Роботите се употребуваат не само за служење на гостите, туку и за готвење. Притоа, нивната дејност е ограничена само на подгревање на веќе зготвени јадења. Подготвувањето и готвењето мора да го преземат нивните колеги-луѓе.

Но не сите роботи во рестораните изгледаат многу човечки. Овој робот на фотографијата, на пример, нема глава, раце или нозе. Тој е составен така за да си ја завршува работата, без многу детали. Но со оглед на тоа што е наменет за работа во кујна, а не за сервис, тоа и не е важно.

Во робот-ресторанот во близина на Шангај машините се задолжени и за забава на гостите. Програмата за забава е добро прифатена од муштериите. Така барем може да се заклучи од нивните коментари на интернет: „Шоуто ми се допадна - храната не чини“ или „Храната во овој ресторан е споредна работа“.