Тоа е таа: мечка мешавина од гризли и поларна мечка. Истражувачите и ловците во последно време сѐ почесто среќаваат пизли-мечки. Најчесто, мајката е поларна мечка, а таткото гризли-мечка. Пизли-мечката има светло крзно, кафеави шепи и еден вид темен круг околу очите. И пизли-мечките се способни за размножување.

Научниците, врз основа на она што се случува во зоолошките градини, знаат одамна дека поларните мечки и гризли-мечките може да се парат меѓусебно. Во Зоолошката градина во Оснабрик има две пизли-мечки: Типс и Тапс. Меѓутоа, мешањето на гените во природата може да биде проблем за загрозениот вид на поларните мечки, стравуваат научниците.

Маската е најверојатно најпознатото хибридно животно. Се работи за животно добиено со вкрстување на магаре и кобила, односно на магарица и пастув. Маските не можат самостојно да се размножуваат, но се омилени животни за пренесување товар, затоа што се поиздржливи од коњите, и помалку тврдоглави од магарињата.

Оваа мешавина од зебра и магаре се роди во 2013 година, во зоолошката градина во Фиренца. Се вика Ипо. Зегари се раѓаат и во природата, на пример во Етиопија. Има и мешавина од зебри и коњи - зоњи. Зегарињата и зоњите е главно неплодни.

И зелената жаба е хибрид! Настаната е од малата зелена жаба и големата зелена жаба. Зелената жаба е помала од големата зелена жаба (10 до 16 сантиметри), но поголема од малата зелена жаба (околу 5 сантиметри). Крекањето на зелената жаба е нешто помеѓу крекањето на двата животински вида од кои настанала. Таа може да се размножува самостојно.

Тој е резултат на вкрстување на кит и делфин. Келфинот на фотографијата се вика Кекаималу. Настанат е од мал кит-убиец и голем клунест делфин. Тој, или подобро таа, во Си Лајф-паркот на Хаваи донесе на свет здраво младенче.

На крајот на 1990-тите, во Дубаи на свет дојде веројатно првата кама - мешанец од камила и лама. Настана по пат на вештачко оплодување. Подоцна следуваа и други ками. Целта на научниците е да создадат животински вид од кој се добива повеќе волна од ламата и е исто толку голем и издржлив како камилата.

Вкрстувањето на овца и коза на прв поглед се чини и не е изненадување, но впечатокот лаже. Имено, двата вида генетски се многу оддалечени еден од друг. Кога овци и кози се парат на ливада, потомците се раѓаат најчесто мртви. Но, има исклучоци: оваа црна ковца се роди здрава во Балимор, Ирска. Примери на здрави ковци има и во Германија, САД и Холандија.

Овие мешанци може да се најдат само во зоолошките градини. Примерокот на фотографијата се вика Зита и живее во зоолошката градина во Новосибирск. Во 2015 година роди две младенчиња. Таткото е лав, зашто машките лидери не се плодни. Големи мачки хобриди се долги и по 3,5 метри и тежат над 350 килограми. Понекогаш тежат повеќе од двајцата родители.

Се работи за мешанец од дива патка и патка-индиски тркач. Заштитниците на животната средина со жал констатираат дека хибриди од диви патки со други видови патки во природата има многу. Дивите патки се парат со женките од другите видови патки често и против нивна волја. Така, гените на другите видови стануваат сѐ „потенки“. На тој начин сѐ повеќе видови се загрозени од исчезнување.