Црната мамба е најопасната змија во Африка. Но, нема потреба од паника при средба со неа, велат познавачите.
Фотографија: picture-alliance/dpa
Реклама
И покрај страшната репутација црната мамба ги напаѓа луѓето само кога е загрозена или е доведена во теснец. Токму во овој период тие се во потрага по партнер за спарување. Секое гризнување треба да се сфати сериозно. Мора веднаш да се побара медицинска помош. Црната мамба има далеку посрамежлива роднина - зелената мамба.
Во Африка има многу различни видови змии. Но, не се сите отровни за луѓето, објаснува Женевив Рид, волонтерка-негувателка на змии.
Колку е опасна црната мамба?
01:21
This browser does not support the video element.
„ Постојат различни видови змии. Оваа змија тука е змијата-кафена куќа. Таа не е отровна што значи, ако ме касне, не може да ме убие. И интересно е што сум била касната повеќепати од вакви змии кога сум ги отстранувала од домовите на луѓето“.
Значи, ако видите змија, вратете се назад. Не се обидувајте да ја фатите или да ја убиете. Тие само си ја гледаат својата работа.
Фотографии од дивината: застрашувачки прекрасно
Овој орангутан сака да се искачи високо - и успеа! Токму оваа фотографија на Тим Ламан му ја донесе титулата „Wildlife Photographer of the Year". Но, и конкуренцијата не е за потценување.
Орангутан во височински занес
Тим Ламан со оваа фотографија ги остави зад себе останатите 50.000 конкуренти за наградата „Wildlife Photographer of the Year“. Таа прикажува Борнео-орангутан, чиј вид е многу загрозен, во индонезиската дождовна прашума. За да ја направи фотографијата, Ламан неколку дена се мачел да инсталира камера на дрвото. Ова е една од шесте фотографии со кои тој ја раскажува тажната приказна за хоминидите.
Чавка на месечева светлина
Британецот Гидеон Најт има само 16 години и со оваа фотографија ја освои наградата за најдобар млад фотограф. Мотивот не е којзнае колку невообичаен, но светлината и целата сцена на фотографијата ѝ даваат исклучителна убавина.
Тажна сцена
Ваква слика не очекувал веројатно ниту фотографот Пол Хилтон. Станува збор за најголемата заплена на панголини досега. Животните кои се хранат со инсекти биле наменети за Кина и Виетнам. Нивното месо важи за деликатес, а кожата и крлушките се користат во традиционалната медицина. Сите осум вида животни со крлушки од фамилијата Манидае се на листата на загрозени видови.
Тешко мирување
Овој лешник расне во домот на фотографот Валтер Биното, во северна Италија. Лешникот на исто растение има и машки и женски соцветија. „Најтешко беше фотографирањето на женските (црвените) соцветија, додека ресите се движат“, објаснува Биното. „Затоа ми беа потребни цветови на кусо гранче, кое е најстабилно што е можно.“
Градскиот живот на дивата мачка
Низ тесните улички на едно предградие на Мумбај, во близина на националниот парк Санџај Ганди, ноќе шетаат леопарди. Тие се во потрага по храна. И покрај повремените средби и напади, дивите мачки се дел од општеството и културата кој е прифатен. Најан Канолкар со оваа фотографија сака да покаже што може да значи толеранцијата. Тој ја доби наградата во категоријата „Урбан“.
Реквием за еден ут
Матс Андерсон од Шведска ја освои наградата во категоријата „Црно-бела фотографија“. Секоја година, напролет, Андерсон шетал низ шумите и притоа уживал во друштвото на два ута - сѐ додека не го нашол едниот од нив мртов. „Утот ја отсликува мојата тага по неговиот другар“, вели тој.
Рибја оргија
Неколку дена во месецот - на полна и млада месечина - илјадници риби од видот Lutjanus се собираат на мрестење. Оваа мешаница е добредојдена за грабливците. Тони Ву за оваа фотографија, направена во Тихиот Океан, ја освои наградата во категоријата „Под вода“.
Игриво
Овој млад морски лав во Калифорнискиот Залив си игра со морска ѕвезда. Луис Хавиер Сановал поради леснотијата во својата фотографија ја освои наградата во категоријата „Импресии“. Фотографиите од денеска (21.10) се изложени во Природонаучниот музеј во Лондон, по што изложбата оди на турнеја во 60 градови ширум светот.
