Мариа Брањас има 113 години и е најстарата жена во Шпанија. Таа била инфицирана со коронавирус, но успешно ја пребродила болеста.
Фотографија: picture-alliance/Zoonar
Реклама
Пред неколку недели Марија Брањас се жалела на болки поради инфекција на бешиката и зголемена температура, а по лекарскиот преглед и тестот било потврдено- заразена е со коронавирус. Веќе 20 години Шпанката живее во старски дом во Олот. Додека повеќе станари во домот веќе починале од Ковид-19, нејзе ѝ успеало да ја победи инфекцијатаи покрај нејзините 113 години.
„Таа се излечи од болеста и сега се чувствува добро", изјави портпаролка на старскиот дом. Брањас се заразила во минатиот месец, но поминала солесна клиничка слика. Пред една недела е повторно тестирана и прогласена за излекувана. Старата дама поминала повеќе недели сама во својата соба, до неа имала пристап само една негувателка во заштитна облека.
Мариа Брањас е родена во 1907 година во САД, нејзиниот татко работел како новинар во Сан Франциско. Нејзиното семејство по Првата светска војна се вратило во Европа. Мариа ја преживеала и пандемијата на шпански грип во 1918 година, Шпанската граѓанска војна и Франковата диктатура.
Пет совети за подобро физичко и ментално здравје во корона-кризата
Вакцина нема, лек исто така. Експертите, во моментов, не се сигурни ни дека оние кои оздравеле од Ковид-19 се целосно заштитени од нова инфекција. Затоа е препорачливо јакнење на личниот имунитет среде пандемијата.
Фотографија: Fotolia
Здрава исхрана
Докажано е дека здравата исхрана го намалува ризикот од хронични болести како што се проблемите со циркулацијата, дијабетисот или со дебелината. Исто така, со здрава исхрана се намалува и ризикот од депресија и од анксиозност. СЗО потсетува - но тоа важи и без пандемија - дека треба да се остават алкохолот, цигарите и сите останати дроги
Фотографија: picture-alliance/dpa/V. Heinz
Добар сон
Додека спиеме, телото вредно работи: келиите се обновуваат, се отстрануваат отровите, се зацврстува помнењето. Како што покажаа истражувањата, недостатокот на сон влијае не само на физичката состојба, туку и на психичката. Недостатокот на сон нѐ прави поподложни на хронични болести. На поголемот број луѓе им се доволни 6 до 9 часа сон, но важно е да се спие во одреден ритам.
Фотографија: Colourbox
Движење и вежбање
Движењето го исполнува телото со „хормоните на среќа“. Тоа овозможува подобро спиење, ги намалува стресот и стравовите, го зајакнува помнењето. Движење и спорт, па макар и дома - најмалку 30 минути дневно. Тренерите велат дека не важно како ќе ги поделите тие минимални 30 минути - можеби по 10 минути наутро, напладне и навечер? Кога можете излезете на свеж воздух.
Фотографија: picture-alliance/dpa/B. pedersen
Одржување на контактите
Пријателите во овој период на социјална изолација поради коронавирусот се поважни од кога било. Социјалните мрежи се докажано добри за здравјето. Бидејќи излегувањата и собирите сега не се можни, речиси сѐ се одвива на интернет. Но, подобро така отколку никако.
Изолацијата можеби е шанса да се заборави на светот и на надворешните вести. Размислите, што сакате веќе подолго да направите но никако не стигнувате? Нешто во градината, да испробате нов рецепт, да научите да плетете, да прочитате некоја книга која веќе подолго ве гледа обвинувачки од полицата? Сега е идеално време за тоа.
