Во германскиот град Есен портите ги отвори најголемиот саем на класични автомобили во светот. На Техно-Класика можат да се видат најубавите олдтајмери на сите времиња. Издвоивме и Топ 10 галерија по хронолошки редослед.
Реклама
Класичните автомобили кои го одбележаа 20. век
Овие автомобили го одбележаа минатото, но не само што и натаму остануваат во сеќавање, туку се користат и како модели за натамошен развој на индустријата.
Фотографија: picture alliance/dpa/H. Galuschka
Форд Модел T (1908)
Хенри Форд не само што го револуционизираше транспортот со неговиот Форд T Модел, туку неговиот гениј остави длабок печат врз индустриското производство. Моделот Т го означи почетокот на модерната ера на производство на индустриска лента.
Фотографија: picture-alliance/dpa/dpaweb/Ford
Ролс Ројс Фантом (1925)
Во времето кога „Златната ера“ беше во полн замав, Ролс Ројс го лансираше својот луксузен модел, Фантом кој се уште се користи како модел за модерните возила. Интериерот на возилото беше изработуван согласно желбата на идниот сопственик. Богатите Индијци имаа многу специфични идеи за дизајн, па тие возила денес вредат милиони.
Фотографија: picture alliance//HIP/National Motor Museum
Алфа Ромео 8C (1938)
Семејно возило кое се користеше и за трки- за таков автомобил важеше Алфа Ромео 8C, етаблирајќи го италијанскиот бренд како симбол за брзи и секси возила. Во 1930-те, овој модел се издвојуваше од конкуренцијата поради моторот со 8 цилиндри. Производството во првите години беше многу лимитирано, па возилото стана сон на секој колекционер.
Фотографија: picture alliance/dpa/I. Wagner
Мерцедес Бенц 300SL (1957)
Мерцедес 300SL беше замислен како улично тркачко возило, а неговиот симбол беа специфичните врати. Тоа беше и првиот автомобил со мотор со директно вбризгување на гориво. Беа произведени само 29 вакви модели со алуминиумска каросерија.
Фотографија: picture alliance//HIP/National Motor Museum
Кадилак Елдорадо (1959)
Автомобилот го достигна врвот на својата популарност во 1950-те и 60-те години, а оттогаш, иако доживеа и десетта генерација во 2002 година, неговата популарност е во постојано опаѓање. Оригиналниот Елдорадо сепак остана икона на дизајнот.
Оставете ги Британците да измислат безвременски дизајн, прекрасни детаљи и извонредни перформанси во автомобилизмот. Овој Јагуар ја карактеризираше промената на стилот во 1960-те години и беше прогласен за еден од „100-те најубави автомобили во светот“ од Дејли Телеграф. Енцо Ферари го нарече „најубавиот автомобил воопшто произведен“.
Фотографија: picture alliance/Photoshot
Астон Мартин „DB5“ (1964)
Името му е Мартин, Астон Мартин. Исто како и мартинито и тој му припаѓа на заводничкиот арсенал на Џејмс Бонд. Едвај 1.000 модели беа произведени, а DB5 ја имаше својата главна улога "Голдфингер“ во 1964 година.
Фотографија: picture alliance/Photoshot
Форд Шелби „GT 350“ Мустанг (1965)
Авантуристичкиот дизајн на Форд и натаму се обожува ширум светот. Оригиналното име го доби по дизајнерот Керол Шелби. Низ годините драматично растеше неговата хауба, воглавно за да го смести сѐ поголемиот и посилен мотор.
Фотографија: imago/All Canada Photos
Шевролет Камаро „RS/SS“ (1969)
Како директен конкурент на Форд Мустанг, Шевролет го претстави Камаро во 1967 година. Одржувајќи ја традицијата за именување на своите модели со имиња кои започнуваат со „Ц“, првично планираното име „Пантер“ беше отфрлено само неколку дена пред официјалната промоција.
Фотографија: imago/imagebroker
„MG MGB Roadster“
Ова е веројатно „најсовремениот“ од сите класични Олдтајмери. Не морате да одите на саем на Олдтајмери за да ја видите оваа убавина.
Фотографија: picture alliance/dpa/H. Galuschka
10 фотографии1 | 10
Германците ги обожуваат своите автомобили, затоа не зачудува тоа што најголемиот стручен саем за олдтајмери се оддржува во Германија. На 28. издание на Техно-Класика (7.4.-11.4.2016) во Есен годинава се очекува преку 200 илјади посетители да ги водат експонатите на околу 1250 излагачи од 40 земји. Мотото на манифестацијата во 2016 година гласи „Сподели ја страста“. Тоа може да се интерпретира како отворена покана за сѐ уште свежите олдтајмер-ентузијасти, со оглед на тоа што сѐ поголем број млади луѓе стануваат обожуватели на класичните авто-модели . Сѐ уште многу од овие модели можат да учествуваат во сообраќајот, а со малку среќа дури може и за пристојна цена да се набави некој нереставриран примерок.
Сосема специфична врска со олдајмерите
Класични облини и гласно татнечки мотори: многу Германци се воодушевени од тоа. Постојат бројни одлтајмер-клубови, и секогаш кога некаде во земјата се изложуваат олдтајмери, посетеноста е секогаш многу голема. Од 90-те години наваму обожувателите на олдтајмери редовно организираат групни патување до Куба за таму на лице место да се воодушевуваат на олдтајмерите кои таму се редовна глетка на улиците поради долгогодишната економска изолација на земјата.
Впрочем и изразот „олдтајмер“ е германска измислица, без оглед што звучи целосно англиски. Имено во англискиот јазик овој збор воопшто го нема и вообичаено се користи зборот „винтиџ“ . Овој полн со љубов однос кон старите лимузини во наредните денови безброј пати ќе одекнува низ халите на Техно-Класика.
За да стекнеме барем мал впечаток за тоа во продолжение нудиме галерија по хронолошки редослед на најубавите олдтајмери на сите времиња.