Организацијата за економска соработка и развој потенцира дека стриктното врзување на висината на пензијата со висината на уплатените придонеси за пензија, доведува до тоа лицата со мали плати на стари години да бидат сиромашни. Со сиромаштија се соочени и оние што биле невработени, или се одлучиле да се грижат за децата наместо да работат. Освен тоа, ОЕЦД нагласува дека и голем број лица кои се самостојни претприемачи не се грижат доволно за осигурувањето за старост. Организацијата ги објави ваквите податоци еден ден пред средбата на германската министерка за труд Урсула фон дер Лајен со претставници на економијата, синдикатите и социјалните организации и здруженија, на која треба да се разговара за иднината на пензиското осигурување во земјата.

Автор: ЕМФ/ЖА/дв

Редактор: Симе Недевски