Многу карневалски центри во Германија подготвуваат посебни мерки за безбедност пред годинешното финале на ткн. „петто годишно време“- маскирани и весели денови кои следуваат. Тие мерки се пообемни од кога било.
Фотографија: picture-alliance/dpa/O. Berg
Реклама
Луѓето сакаат опуштено да слават- и во Рајнската област и во јужна Германија. Но, во многу градови ќе видат нешта кои порано не беа толку воочливи. На пример, бетонски блокади на улиците, или големи камиони кои ги блокираат приодите на одредени места. Дополнително и зајакнати полициски контроли. Има и зони кои во време на карневалот се забранети за автомобили, или во нив е можно само ограничено движење. Органите за безбедност сакаат да спречат напад како оној во Берлин или во Ница.
Во Мајнц тие мерки нема негативно да се одразат врз карневалот. „Во градот ќе дојдат 500 илјади луѓе и тие нема да се чувствуваат како во безбедносен кафез“, вели за ДВ Михаел Боневиц. Тој е портпарол и член на управата на Карневалското друштво во Мајнц и укажува на долгата традицијата на поворките- „Ние сме отворени и љубезни и ќе имаме убаво славје“.
За тоа да мине без проблеми, во карневалските градовите ангажирани се од 30 до 50 проценти повеќе полицајци од вообичаено, а на контролните пунктови ќе има и тешко оружје. Особено мрачните делови на некои улици ќе добијат дополнително осветлување и камери. Полицијата порачува: најважни се дополнителните центри во кои сите одговори за карневалските поворки ќе бидат опремени со најнова комуникациска техника за да можат да реагираат во случај на потреба.
10 причини да се вљубите во Келн
Уметност, култура и карневал.. Но, Келн има многу повеќе: старите зградите во градот раскажуваат за двеилјадигодишната историја, а тука се и бројните саеми, музеи и извонредниот ноќен живот.
Фотографија: Dieter Jacobi/KölnTourismus GmbH
Катедралата во Келн – буквално огромен споменик
Околу 20.000 луѓе дневно ја посетуваат катедралата во Келн, поради што таа се вбројува во најпопуларните туристички дестинации во Германија. Катедралата во Келн е изградена пред повеќе од 700 години, а беа потребни речиси исто толку години истата да биде изградена. Готското архитектонско дело се наоѓа на листата на светското наследство на УНЕСКО од 1996 година.
Фотографија: Udo Haake/KölnTourismus GmbH
Стариот градски центар – модерно историско место
Стариот градски центар за време на Втората светска војна беше речиси целосно уништен. Голем дел од предните фасади, на веќе постоечките куќи од 1960-те години, беа реконструирани во историски стил, како што е прикажано на сликата погоре, снимена на познатиот Фишмаркт во Келн. Во тесните улички на стариот градски центар може да се најде голем избор на таверни, ресторани и пивници.
Фотографија: Jens Korte/KölnTourismus GmbH
Дом на традиционалното келнско пиво
Луѓето во Келн најмногу уживаат во локалното пиво „Kölsch“. Ова пиво смее да се произведува само во Келн и блиската околина. Се сервира во „Kölschstange“ – висока и тенка чаша од 200 мл. Се конзумира најдобро во придружба со некој од локалните специјалитети како што се „Himmel und Äad“, што на локалниот диjалект значи рај и земја – ова јадење се состои од пире, каша од јаболко и крвав колбас.
Фотографија: Privatbrauerei Gaffel
Музеи – од антички до модерни времиња
Во Келн, љубителите на уметноста и културата се соочуваат со проблеми при изборот на галерија или музеј за посета - бидејќи во градот ги има безброј. Музејот Лудвиг, на пример, има изложби на модерна уметност, на поп арт и експресионистички дела. Во Келн секој ќе го најде „својот“ музеј бидејќи има сѐ - од времето на антички Рим до модерна технологија и чоколада.
Фотографија: picture-alliance/dpa/O. Berg
Цркви – сведоштва за поранешната слава
Во средниот век, Келн бил најголемиот град во светот каде се зборува германски, а бил и важен христијански центар. И денес, многу од светите градби во градот, вклучително и 12 романескни цркви, се сведоци за историската религиска важност на Келн. Св. Марија во Капитол е најголемата од нив, а е изградена на локацијата на антички римски храм. Денешната црква е изградена во 11 век.
Фотографија: Jens Korte/KölnTourismus GmbH
Паркот на Рајна – огромно игралиште
Спроти катедралата во Келн, на брегот на Рајна, се наоѓа 40-хектарскиот Рајнпарк. Изграден е во 1912 година, а во 2007 година беше прогласен за најдобар парк во Германија. Огромните тревни површини во лето служат како игралишта за фудбал, а штом зајде сонцето се користат и за ноќни дружења со скара. Со жичарницата над реката Рајна, може да се стигне од паркот до Зоолошката градина во Келн.
Фотографија: picture-alliance/dpa/O. Berg
Карневал – петтото годишно време во Келн
Келнскиот карневал е еден од најголемите и најдобро познати улични карневали во светот. За време на карневалот треба да ги знаете овие важни зборови: „Алаф“ – поздрав кој се користи на карневалот и може да биде извикан во секое време; „Камеле“ се нарекуваат карамелите и бонбоните кои се фрлаат за време на уличните паради и „Бицје“ - мал бакнеж кој слободно се подарува, некогаш дури и на непознати.
Фотографија: picture-alliance/dpa/F. Gambarini
Саем – од Гејмском до Арт Келн
Келн е ширум светот познат како град на саеми. На Гејмском, годишниот саем за компјутери и видео игри, компании од цел свет ги презентираат своите најнови хардверски и софтверски производи. На саемот АртКелн, кој инаку е најстар саем за уметност во светот, може да се најде парче уметност за сечиј џеб. Фотокина, еден од најважните саеми за фотографија во светот, во Келн се одржува секои две години.
Фотографија: Koelnmesse GmbH
Град со „отворен ум“
Келн е и град на толерантноста - затоа и не е изненадување што градот е „упориште“ на хомосексуалците. Еднаш годишно тука се одржува КолонПрајд, двонеделна манифестација за поддршка на правата на геј и трансродовата заедница, која исто така е и најголемата во Европа. Врвот на забавата на геј сцената е тридневната „Кристофер Стрит Деј“ парада која се одржува во првиот викенд во месецот јули.
Фотографија: picture alliance/R. Goldmann
Рајна – трговска и рекреативна рута
Еден од „бонусите“ на Келн е и неговата локација покрај Рајна - најдолгата река во Германија. И самите Римјани биле свесни колку е прикладна оваа локација кога на територијата на денешен Келн, во 19 година п.н.е ја основале првата населба. Денес, жителите и посетителите на Келн, можат да направат мала екскурзија со брод или да изнајмат кану и да добијат уникатен поглед на градската архитектура.
Фотографија: Dieter Jacobi/KölnTourismus GmbH
10 фотографии1 | 10
Правила на однесување
„Славјето и стравот не одат заедно“, вели шефот на полицијата во Келн Јирген Матис. Затоа, вели тој, организацијата ќе биде таква за на луѓето ништо да не им пречи. Келн, со својата поворка од седум километри, е најголем карневалски центар во Германија. Затоа, сѐ ќе биде исто како и секогаш, што значи дека нема да има посебни правила за костумирање или опремување на вагоните на карневалскиот воз. Дури ќе можат да се носат и мали пиштоли-играчки. Матис не сака да види само едно нешто: „Лажно оружје кое изгледа како вистинско“.
Полицијата решително ќе реагираа кон сите напаѓачи, агресивни и алкохолизирани лица, како и против сексуалните напасници. За време на карневалот, специјални тимови на спасувачи и социјални работници ќе бидат присутни на видни места за граѓаните да можат непосредно и без да ги бараат да им се обратат. На насилниците кои и се познати на полицијата нема да им биде дозволен пристап до одредени локации. На улиците на Келн ќе има околу 2.000 полицајци, но ќе дежураат и јавните обвинители доколку има потреба од принудни мерки.
Бетонските блокови треба да спречат евентуални напади со возила врз карневалската поворкаФотографија: picture-alliance/dpa/M. Murat
Апстрактна опасност
Но многу карневалски здруженија поради сите мерки на безбедност ќе мора да издвојат повеќе пари од вообичаено. Во прашање се трошоци за специјалните улични блокади, но и подолгото работно време на чуварите на редот. Во Баден-Виртемберг и во Хесен некои здруженија не се сигурни дека ќе можат да ги поднесат дополнителните трошоци. Во Леверкузен и Хилден, организаторите веќе им се обратија на спонзорите за преземање на дел од трошоците.
Шефот на келнската полиција Матис вели дека постои „апстрактна опасност од терористичко-екстремистичкото милје“, но дека „нема никакви конкретни индиции или сознанија“ за можно загрозување на безбедноста. Таа проценка ја дели и сојузното биро за борба против криминалот. Но, и Матис мора да признае дека за така голема манифестиција, на која луѓето се маскирани и пијат многу алкохол, не може да има стопроцентна заштита.
Како Европа го слави карневалот
Традициите се шаренолики и опуштени, но тие се разликуваат од земја до земја: ова се карневалските традиции низ Европа.
Фотографија: picture-alliance/dpa/R. Weihrauch
Жешки ритми на Тенерифе
Со својата потопла клима, Карневалот на шпанскиот остров Тенерифе повеќе доликува на пролет отколку лето, па затоа и костумите се „полесни“. Како и во Латинска Америка, на најголемата парада која се одржува во Санта Круз учествуваат воглавно самба танцувачки групи.
Фотографија: picture-alliance/dpa/R. de la Rocha
Капење во брашно во Лас Палмас
Облечени во бело со прекривка од брашно, славениците на канарскиот остров Лас Палмас го слават "Dia des los Indianos" или Денот на Индијанците. Се чествува враќањето на островјаните кои емигрирале во Куба или Венецуела. Прскањето со брашно беше традиција на сите канарски острови, но денес се практикува само во Лас Палмас. Брашното се користи наместо шекер во прав, и го претставува богатството.
Фотографија: Los Indianos
„Капење“ во цвеќиња во Ница
Во француската Ница, главниот настан е битката со цвеќиња која се одржува на Променадата на Англичаните. Парадата се одржува од 1876 година кога на туристите, повеќето од Англија, им биле делени цвеќиња.
Фотографија: picture-alliance/Robert B. Fishman
Марди Грас во Белгија
Во местото Бинш, 60 километри од Брисел, маскирани ликови наречени „Гиј“ ја играат главната улога на карневалската прослава со векови. Тие маршираат по улиците на Марди Грас, вторникот пред среда Пепелница. Нивниот разнобоен ритуал се наоѓа на листата на УНЕСКО на нематеријално светско наследство од 2008 година.
Фотографија: picture-alliance/dpa/B. Doppagne
Бал под маски во Венеција
Познатиот "Carnevale di Venezia" датира од 12. век кога благородниците организирале големи забави во своите домови. Гостите се натпреварувале со костимите. Најексклузивниот настан во изминативе години е балот во палатата Пизани Морета, како и посета на операта.
Униформираните танцувачи се важен дел од секој германски карневалски клуб. Во Келн, тие извикуваат „Алааф“, во Диселдорф „Хелау“. Но насекаде низ Рајнската област, луѓето пеат народни песни и собираат „Камеле“ (слатки), за време на карневалската парада. Стотици тони бонбони, колачи и чоколада се фрлаат за време на парадите.
Фотографија: picture-alliance/dpa/F. Gambarini
Големите глави во Мајнц
Карневалот во Мајнц, во близина на Франкфурт, датира од 16. век, а негов белег е парадата во понеделник. Главни ликови таму се огромните карикатури со XXL глави, познати и како "Schwellköpp" (Отечени глави). Се појавуваат околу 30 ликови, а секоја од главите тежи по 25 килограми.
Фотографија: picture-alliance/dpa/F. v. Erichsen
Мирно славје
Ткн. "Bützchen", или бакнежче, е дел од карневалот во Германија исто колку и разнобојните костуми. Зборот Карневал доаѓа од латинските "carnis" (месо) и "levare" (да однесеш). На крајот на Карневалот, Средата Пепелница го означува почетокот на постите до Велигден.