Гастрономијата, хотелите, спортските настани во Австрија се повторно достапни од 19 мај. Како мерка на заштита е предвидено приложување негативен корона-тест. Дозволени се и манифестации кои се одржуваат надвор (до 3000 лица) и внатре (до 1500 лица). Со разлабавувањето на мерките би требало да отпадне и карантинот. Вакцинираните, тестираните и оздравените од Ковид ќе смеат да влезат во земјата.

Оној кој патува во Швајцарија мора да има негативен корона-тест. Тоа не важи за оние кои патуваат транзит. Во карантин мора да одат оние што доаѓаат од ризични подрачја. Отворени се хотелите, музеите, продавниците, театрите, кината.. На терасите од рестораните е дозволена храна и пијалоци. Насекаде има лимит за бројот на посетители, правила за дистанца и носење маска, но не и полициски час.

Гастрономите во Грција работат, но мора да затворат во 22:45 часот, зашто од 23 часот стапува во сила полицискиот час. Туристите кои одат во Грција мора пред влез во земјата да ги внесат своите податоци онлајн. При влез во земјата мора да се покаже дека лицето е целосно вакцинирано, или да се приложи негативен ПЦР-тест. Обврска за карантин веќе нема.

Италија постепено ги разлабавува своите корона-рестрикции. Онаму каде бројките се умерени, рестораните смеат да сервираат храна во отворениот дел. Од 22 часот стапува на сила полициски час. Музеите и кината во т.н. жолти зони се отворени. Во Италија на 2 јуни официјално почнува летната сезона. Како ќе изгледаат правилата тогаш, сѐ уште не е јасно.

И Франција ги разлабавува рестрикциите полека. Луѓето повторно смеат да се движат и подалеку од 10 километри од својот дом, а повторно се можни и патувања во границите на земјата. Во сила е полициски час од 19 часот, кој од 19. мај треба да почнува од 21 часот. Тогаш треба повторно да отворат и рестораните (само отворените делови), како и продавниците и културните институции.

Ситуацијата во Шпанија е значително порелаксирана, многу од мерките се разлабавени, но сепак - повеќе региони сакаат да го задржат ограничувањето на движењето. И натаму важи и обврската за носење маска на отворено. Влез на лица од сите земји од ЕУ и од Шенгенската зона е во основа можен. Обврската за тестирање за оние кои доаѓаат од ризични региони, меѓутоа, и натаму важи.

Вонредната состојба, која траеше околу пет и пол месеци, на 1. мај веќе не беше продолжена. Оттогаш, рестораните, културните институции и местата за забава смеат да бидат отворени до 22:30 часот. Досега на викендите работа беше дозволена само до 13 часот. Освен тоа, отворена е и границата со Шпанија. Но, и натаму не е дозволен влез за лица од земји каде 14-дневната инциденција е повисока од 150.

Продавниците работат, а така е и со рестораните, но да влезат смеат само гости кои се најавиле преку апликација и приложиле негативен тест, доказ за целосна вакцинација или доказ за прележан Ковид. Целосно вакцинираните лица од ЕУ и Шенген зоната смеат да влезат во земјата без посебна причина, но услов е да доаѓаат од земја која е барем во портокалова зона, значи каде ситуацијата не е многу лоша.

Во Хрватска хотелите се отворени, а рестораните смеат да примаат гости во отворениот дел. Во затворен простор на јавни места мора да се носи маска онаму каде што не може да се одржува пропишано растојание. За влез во земјата се бара негативен ПЦР-тест или тест за антитела, потврда за прележан Ковид или доказ за целосна вакцинација.

Полска дава дозвола за прием на гости во хотелите, но само доколку се пополнат максимално 50% од капацитетот. Од 15. мај ќе биде можно да се седи во отворените делови на рестораните. Во внатрешниот дел тоа ќе биде можно од 29. мај. При влез во земјата е задолжителен десетдневен карантин, освен за лицата со негативен ПЦР-тест. И целосно вакцинираните и оздравените не мора да одат во карантин.

Пабови, песни, па дури и филмови се посветени на една од најомилените дестинации за забава на Мајорка. која магично привлекува бројни Германци. Но, деновите на испивање коктели од огромни чаши се избројани, новите прописи ќе забранат наскоро конзумирање алкохол по 22 часот на тој дел на плажата „Балерман 6“. Каде младите ќе ја продолжат забавата?

А, што е со јужниот соседн на Мајорка, Ибица? Овој остров е познат по својата клупска сцена уште од 1990-те. Во 2011 музичкиот магазин ДЏ Маг тамошната дискотека „Спејс“ ја прогласи за најдобра на светот. Можеби поради необичното работно време: оние кои се желни за забава, таму можат да порачуваат пијалок уште од 8 часот утрото.

Освен плажите на Мајорка, меѓу младите е популарен и копнениот дел од Шпанија. Фаворит сигурно е Лорет де Мар, каде секоја година се собираат илјадници туристи од северна Европа. 13 проценти од сите патувања на Германците за цел ја имаат Шпанија. Таму групните активности покрај пијалок заживеаја меѓу младите Шпанци, на големо разочарување на мештаните.

На 1 јули Хрватска стана нова членка на ЕУ. Значи, крајно време за запознавање на новите соседи. Сепак, за младите уште одамна Хрватска е членка на нивната „забавна унија“. Плажата Зрќе стана Мека за младите, дури доби и прекар - хрватска Ибица. Таму Германците пронајдоа место за себе.

Бучно, распојасано, непристојно: така се забавуваат младите во лето. Се‘ повеќе млади желни за забава ги посетува популарните „парт плажи“, а една од нив е воЗрќе во Хрватска (на фотографијата). Освен што ноже се нуди разновидна музичка програма, плажите дење нудат разладување во чисто море.

„Полнење батерии“ за забава: долгата песочна плажа на бугарскиот брег на Црното Мореим нуди одмор на гостите. Државата - членка на ЕУ, северно од Грција, не е омилена само меѓу Германците. И Британците и Скандинавците овде сакаат да пијат евтино пиво.

„Министерството за добра забава“ ги повикува младите од цел свет на Кримскиот Полуостров во Украина. Фестивалот каЗантип функционира како држава: таму постојат визи, државни служби и устав. Секоја година таму се собираат до 170 илјади млади луѓе. Дури и Германците можат да станат „државјани“. Под кои услови? Потребно е само добро расположение и портокалова боја на облеката.

Оние кои префереираат помалку шарени искуства, можат да се вратат на класика: Сент Тропе. Оваа парти-дестинација на југот на Франција ги мами богатите и убавите уште од 1970-те. Сепак, за типичните млади желни зазабава оваа локација е помалку атрактивна, зашто ниските цени на пијалоците не се честа појава.

Најомилено одредиште за забава за Германците е - Германија! Зошто тогаш да не се испроба забава на Силт? Во тамошните клубови може да се игра цела ноќ. Сепак, мала промена добро доаѓа. Она што некогаш беше засолниште за авторите и уметниците, прерасна исто така во популарно собиралиште на монденскиот свет.

Овде тешко да најдете сендвичи со риба од Северно Море и шампањ, но забавата е одлична. Гоа во Индија стана популарна меѓу младите хипици во 1970-те. Сега ова е една од најомилените дестинации за оние кои бараат забава. Шарените забави во Гоа се познати во цел свет. Уште повеќе што морето потоа нуди освежување.

Оушн драјв е една од најпознатите улици во Мајами бич, дури и за туристите од Германија, благодарение на телевизијата. Крајбрежните американски градови уживаат култен статус поради бројните телевизиски серии кои се снимани таму. Преку ден можете да се сончате на плажите во Мајами, а ноќе да се забавувате.

Иако изгледа малку наежувачки, овие млади луѓе, вооружени со пиштоли на вода, само се забавуваат. И покрај политичките прилики, Израел станува се‘ популарен како одредиште за младите луѓе кои бараат забава. Бројните клубови, пабови и ресторани, како и долгите плажи привлекуваат.