Нобеловата награда за медицина во рацете на американските научници оди за нивните истражувања на молекуларните механизми на контрола на ритамот спиење-будење, соопшти Комитетот за доделување на наградата денеска во Стокхолм. „Нивните откритија објаснуваат како растенијата, животните и луѓето го прилагодуваат на својот биоритам за да се прилагодат на промените на планетата“, се вели во образложението.

Хол, Росбаш и Јанг ја делат наградата тешка 9 милиони шведски круни (околу 940.000 евра). Наградата ќе им биде врачена на 10 декември во Стокхолм.

Минатата година добитник на наградата беше јапонскиот молекуларен биолог Јошинори Охсуми. Тој наградата ја доби за истражување на аутофагијата, клучен механизам за обнова на клетките и реакцијата на организмите на глад и инфекции.

Со објавувањето на добитникот на наградата за медицина, како и секоја година, почнува сезоната на Нобелови награди. Утре треба да биде објавен добитникот на наградата за физика, а во среда - за хемија. Добитникот на Нобеловата награда за литература ќе биде објавен во четврток, а во петок, во Осло, ќе биде објавен добитникот на Нобеловата награда за мир. На крајот, наредниот понеделник се објавува името на носителот на Нобеловата награда за економија.