Научниците од Швајцарија, САД и Велика Британија ја добија Нобеловата награда за развој на методот за подобро претставување на биомолекулите. Методот овозможува нов поглед на „молекулите на животот“, соопшти првиот човек на Шведската академија на науки, Горан Хансон. Криоелектронската микроскопија на научниците им овозможува да ги видат и набљудуваат биолошките молекули, а методот за подобро претставување дава можност за тридимензионална илустрација на молекулите.

Јоахим Франк, кој има американско државјанство, по потекло е Германец. Веста дека ја добил Нобеловата награда толку го возбудила, што, како што раскажува самиот, постојано повторувал една иста реченица: „Тоа се извонредни новости.“ 77-годишниот научник изјави дека бил уверен оти шансите за наградата се „минимални“.

Минатата година Нобеловата награда за хемија ја добија Французинот Жан-Пјер Соваж, Британецот Џејмс Фрејзер Стодарт и Холанѓанецот Бернард Феринга за развојот на молекуларни машини.