Овој модел беше одамна најавен, но неговото излегување на пазарот постојано го одлагаа интервенции на различни инстанци во фабриката во Инголштат. Моделот А4, една од германските ѕвезди од средна класа, конечно е достапен на купувачите. Се‘ што овозможува современата технологија е вградено во овој автомобил, вклучувајќи и дигитална (виртуелна) инструмент-табла.

Опел во Франкфурт ја претставува петтата генерација на својата Астра. Со неа производителот од Риселхајм сака да го поправи лошиот финансиски биланс. Новата Астра е полесна од претходниот модел, а има и вграден рутер за безжичен интернет.

Фолксваген во Франкфурт ја претставува втората генерација на Тигуан. Се‘ се држи во голема тајност. Нема фотографии, а во најдобар случај може да се понуди понекоја компјутерска анимација. Затоа еве фотографија од новата кабриолет-верзија на Голф 7.

Овие два автомобила ги дели половина живот. Назад е Мерцедес W 111 во кабриолет- верзија, а во прв план е првиот кабриолет во С класа во последните 44 години. Се смета дека новиот убавец со платнен покрив ќе им биде конкуренција на Бентли и Ролс- Ројс.

Кога сме веќе кај Ролс-ројс, таа фирма многу поредовно исфрлаше на пазарот отворени модели. Овој модел се вика Дон, има платнен покрив и мотор од 630 коњски сили.

Новата „седумка“ на БМВ е целосно набиена со најнови технички достигања. Со разни функции се управува со помош на гестикулација. Но, и обновениот X1 секако ќе привлече големо внимание.

„Теренците“ се многу барани. Секој би сакал дел од колачот, па и Јагуар, од кого до вчера никој не очекуваше дека ќе произведе нешто слично. Но, и тоа го дочекавме на Франкфуртскиот саем, иако оној кој сака ваков автомобил, ќе мора да сочека до идното лето.

Уште еден дел од колачот- она што беше уште потешко замисливо од теренецот на Јагуар, е теренецот на - Бентли. Но, шефот на Бентли вели дека неговите купувачи во просек имаат по осум автомобили во гаражата. Од тоа два се - теренци. Па зошто тогаш и тие не би биле од иста фирма? Одговорот на ова прашање е тежок два тона и има 600 коњски сили.

Легендарниот модел Алфа Ромео припаѓа на ист сегмент како и „тројката“ на БМВ, а има и фасцинантна верзија од 510 коњски сили со заден погон, забрзување од 0-100 за 3,9 секунди. Во најпрестижната верзија, капакот на моторот, покривот и погонската осовина се изработени од карбон. .

Кој уште се сеќава на Боргвард? Под тоа име се произведуваа автомобили во Бремен до 1963 година. Најпознат модел беше Изабела. Сега оваа стара марка оживеа. Во Франкфурт на публиката и‘ се претставува прототип со ознака БX7. Не е далеку од сериско производство, а тоа би требало да биде во Кина.