Мировните преговори меѓу сириската влада и опозицијата под закрила на ОН продолжија денеска во Женева во обид да се запре повеќегодишната граѓанска војна во која досега страдаа повеќе од 310 илјади луѓе
Фотографија: Reuters/D. Balibouse
Реклама
На почетокот на новите мировни преговори за Сирија во Женева, посредникот на ОН Стафан де Мистура се сретна со преводникот на делегацијата на сириската влада. Амбасадорот на Сирија во ОН, Башар ал-Џафари претпладнево меѓутоа дојде во зградата на Обединетите Нации во швајцарскиот град само со мала придружба, а не со целата негова делегација. Ова се први преговори во Женева по пропаѓањето на последните мировни разговори пред 10 месеци. На нив ќе биде направен уште еден обид за пронаоѓање на политичко решение за речиси шестгодишната граѓанска војна во Сирија.
Подоцна во текот на денов Де Мистура се среќава и со претставниците на сириската опозиција. Дипломатот сака со двете страни да разговара за преодна влада, нов Устав и слободни избори. Тој најнапред исто како и во 2016 година ќе се сретне одвоено со претставниците на двете страни.
Посредникот на Он за Сирија, Стафан де МистураФотографија: picture alliance/dpa/M. Trezzini
Опозицијата меѓутоа инсистира на брзи директни преговори. Де Мистура спроти почетокот на преговорите изјави дека Русија од сириските власти побарала прекин на воздушните напади додека траат мировните разговори во Женева. Тој предупреди предупреди од преголеми очекувања.
Посредникот на ОН имено истакна дека не очекува „битен пробив“ во преговорите кои се одржуваат во европското седиште на Светската организација (насловна фотографија). Сите досегашни преговори за Сирија пропаднаа поради тврдите позиции на двете страни. И натаму главна точка на спорот е прашањето за останувањето на власт на сирискиот претседател Башар ал-Асад.
Алепо: Уништувањето на раскошниот град
Алепо пред војната беше метропола полна со живот, омилена туристичка цел и економско срце на Сирија. Денес источниот дел на градот е разурнат. Фотографиите од пред војната и сега ги покажуваат размерите на уништувањето.
Џамијата Омејади пред војната
Ова е фотографија од 2010 година. Бунтовите во арапскиот свет тогаш не беа стигнати до Сирија и Алепо. Џамијата е изградена во 775 година и е дел од Светското културно наследство на УНЕСКО.
Фотографија: Reuters/K. Ashawi
Џамијата Омејади денес
Џамијата беше тешко оштетена во борбите во 2013 година. На 24 март 2013. се урна минарето изградено во 11. век. Денес џамијата наликува на напуштена руина.
Фотографија: Reuters/O. Sanadiki
Амамот Ел Нахасин пред војната
Во амамот во старото градско јадро на Алепо посетителите уживаат во мирот по направената бања. Фотографијата е направена есента 2010 година.
Фотографија: Reuters/K. Ashawi
Амамот Ел Нахасин сега
Шест години потоа амамот не зрачи со мир и спокојство. „Раните“ од војната му се видливи.
Фотографија: Reuters/O. Sanadiki
Цитаделата на Алепо пред војната
Цитаделата на Алепо е една од најстарите и најголемите тврдини на светот. Голем дел од објектот е изграден во 13. век.
Фотографија: Reuters/S. Auger
Цитаделата денес
Некогашната туристичка атракција е во голем дел уништена и денес како сениште се издига над градот.
Фотографија: Reuters/O. Sanadiki
Старото градско јадро некогаш
24. ноември 2008 година: Старото градско јадро на Алепо. Луѓе седат во кафулињата, сместени како во рамка од шарени светла.
Фотографија: Reuters/O. Sanadiki
Старото градско јадро денес
13 декември 2016: Старото градско јадро е престорено во прав и пепел.
Фотографија: Reuters/O. Sanadiki
Трговскиот центар Шахба пред војната
Божиќни подароци висат закачени на таванот на трговскиот центар Шахба во декември 2009 година. Петкатниот трговски центар беше отворен во 2008 година и се вбројуваше во најголемите во Сирија.
Фотографија: Reuters/K. Ashawi
Трговскиот центар Шахба денес
„Трајно затворен“ - оваа информација се појавува на Гугл кога се пребарува поимот „Shahba-Mall“ денес.Трговскиот центар беше тешко оштетен во воздушните напади во 2014 година.
Фотографија: Reuters/A. Ismail
Пазарот Ал Зараб пред војната
Влезот во пазарот Ал Зараб во 2008 година, облеан во топла светлина.
Фотографија: Reuters/O. Sanadiki
Пазарот Ал Зараб денес
Декември 2016: Влезот во пазарот е уништен речиси целосно.
