Во повеќе европски земји на викендот беа пријавени нови инфекции со вирусот на мајмунски сипаници. Ширењето на оваа зараза не може да се спореди со почетоците на пандемијата на коронавирусот, сметаат во СЗО.
Фотографија: Gemeinfrei/CDC's Public Health Image Library
Реклама
Откако во Минхен во петокот беше пријавен првиот случај на мајмунски сипаници во Германија, во саботата и во Берлин беа потврдени два случаи. Берлинскиот Сенат соопшти дека заразените се во стабилна состојба, но се очекуваат нови случаи во наредните денови.
Болеста која неочекувано се шири во Европа во последните денови е регистрирана и во Швајцарија и во Израел а можни случаи има и во Австрија и во Грција. На почетокот на мај оваа болест се појави во Велика Британија, Шпанија, Португалија и во Франција, но и во САД и во Австралија.
Сѐ уште не е познато дали лицата во Германија се заразени со западноафрикански или централноафрикански сој од овој вирус. Тоа ќе биде јасно по деталните испитувања.
Светската здравствена организација во саботата објави дека кај неа се пријавени 92 потврдени и 28 сомнителни случаи од дванаесет земји членки. Американскиот претседател Џо Бајден рече дека избувнувањето на заразата е причина за загриженост: „Работиме напорно за да откриеме што можеме да направиме“. Мајмунските сипаници се јавуваат првенствено во Африка, што ги прави сегашните епидемии невообичаени.
Фотографија направена со електронски микроскоп на вирусот на мајмунски сипанициФотографија: Cynthia S. Goldsmith/Russell Regner/CDC/AP/dpa/picture alliance
СЗО во моментов развива упатства за спречување на ширењето на болеста. Постојат стравувања дека бројот на случаи би можел да продолжи да расте во летните месеци, рече главниот советник на СЗО за ризик од инфекции, Дејвид Хејман, во интервју за Ројтерс. Појавата на мајмунск сипаници не може да се спореди со почетоците на пандемијата на коронавирус, бидејќи болеста не се пренесува толку лесно. СЗО претпоставува дека инфекцијата се шири преку сексуален контакт.
Лекарите, инаку, имаат повеќе прашања од одговори во овој момент. Најмногу се погодени мажите хомосексуалци кои неодамна имале сексуален однос, рече Леиф Ерик Зандер, инфектолог од берлинската клиника Шарите.
„Бидејќи инфекцијата се пренесува со близок контакт преку кожа и, можеби, слузокожа и преку капки, препорачувам голема претпазливост и избегнување на блиски незаштитени контакти со непознати лица“, рече Зандер.
Кои животни го пренесуваат коронавирусот?
Неодамнешна студија открива дека мачките можат да бидат заразени со Ковид-19, и можат да им го пренесуваат вирусот на други животни- во лабораторски услови. Кај другите домашни животни, ризикот е помал.
Фотографија: picture-alliance/F. Herrmann
Да се галат или не?
Истражувачите на Ветеринарниот институт Харбин во Кина открија дека коронавирусот може да се пренесува меѓу мачки. Домашните мачки исто така можат да го пренесуваат вирусот натаму на други животни, но тоа не е лесно, вели Хуалан Чен, водечки истражувач во студијата која беше објавена во журналот "bioRxiv" на 31 март годинава.
Фотографија: picture-alliance/dpa/K-W. Friedrich
Без грижа
Но нема потреба од паника меѓу сопствениците на мачки, затоа што тие не се заразни долго време. Сепак, сопствениците на мачки со хронични болести, или постарите, треба привремено да ги ограничат контактите доколку мачките слободно го напуштаат домот. Здравите луѓе треба да ги мијат рацете откако ќе ги погалат.
Фотографија: picture-alliance/imageBroker
Кучињата се безбедни
За разлика од мачките, вирусот не може лесно да се реплицира кај кучињата, тврдат истражувачите. Оттука, слободно шетајте го и негувајте го вашиот пес.
Фотографија: DW/F. Schmidt
Кој кого заразува?
Оваа домашна свиња која шета низ улиците на Рим не треба да се плаши од кучиња. А и кучето нема потреба да стравува од својот забрефтан ривал. Ветерираните тврдат дека свињите не се сметаат за природен резервоар за коронавирусот.
Фотографија: Reuters/A. Lingria
Карантин за ласиците
Кај овие цицачи од групата Мустилида состојбата е поинаква. Хуалан Чен ги истражувал и ласиците и утврдил дека и тие го шират Ковид-19, исто како и мачките. Ширењето меѓу животните се случува преку респираторни капки. Истражувачите го пронашле вирусот во брисеви земени од грлото и носот на ласиците, но не откриле инфекција на белите дробови.
Научниците велат дека нема никаква опасност за одгледувачите на живина, како овој трговец во Вухан, Кина, каде беше откриен првиот случај на коронавирусот. Луѓето немаат за што да се грижат затоа што кокошките се практично имуни на Ковид-19, како и патките и другите слични видови.
Фотографија: Getty Images/China Photos
Кога луѓето се опасност за животните
Луѓето можат да се заразат од животни, но се случува и обратното. Четиригодишната малајска тигрица Надја од Зоолошката градина во Њујорк имаше позитивен тест на коронавирусот „Ова е првпат диво животно да се зарази од Ковид-19 од човек“, изјави главниот ветеринар на Зоолошката Пол Кале.
Фотографија: Reuters/WCS
Дали лилјаците се неправедно обвинети?
Лилјаците се сметаат за најверојатно преносници на Ковид-19, но ветеринарите веруваат дека во декември 2019 некое друго животно се јавило во Вухан како посредник меѓу нив и луѓето. Можеби ласиците или мачките?
Панголините се под сомнеж дека го пренесуваат вирусот. Истражувачи од Хонг Конг, Кина и Австралија го откриле вирусот во малезискиот панголин кој имал големи сличности со оној забележан кај човекот.
Фотографија: Reuters/Kham
9 фотографии1 | 9
Во симтомите спаѓаат температура, главоболка, болки во мускулите и осип кој начесто почнува на лицето, и се шири по телото.
Бидејќи, болеста може да има благ тек и заразените да немаат никаков осип можат случајно да заразат други. Поголемиот број од заразените се опоравуваат по неколку недели, а смртните случаи се реткост. Повеќе се загрозени децата и бремените жени.
