Продолжува големиот раст на бројот на заразени од Ковид-19 во Северна Македонија. Во изминатото деноноќие здравствените власти регистрирале нови заразени во девет града во земјата.
Фотографија: Reuters/D. Ruvic
Реклама
Скопје и Штип стануваат нови жаришта на коронавирусот во Северна Македонија. Денеска објавените бројки на здравствените власти покажуваат дека во Скопје се евидентирани 35 нови случаи на заразата, додека во Штип- рекордни 27. Три нови случаи се регистрирани во геронтолошка установа во Скопје.
Вкупно на територијата на државата се регистрирани 89 нови случаи по направени 727 тестирања. По градови:
Во Скопје-35;
Штип-27;
Куманово-12;
Тетово-7;
Кочани-4; и во Прилеп, Гостивар, Струмица и Свети Николе по еден.
Пет совети за подобро физичко и ментално здравје во корона-кризата
Вакцина нема, лек исто така. Експертите, во моментов, не се сигурни ни дека оние кои оздравеле од Ковид-19 се целосно заштитени од нова инфекција. Затоа е препорачливо јакнење на личниот имунитет среде пандемијата.
Фотографија: Fotolia
Здрава исхрана
Докажано е дека здравата исхрана го намалува ризикот од хронични болести како што се проблемите со циркулацијата, дијабетисот или со дебелината. Исто така, со здрава исхрана се намалува и ризикот од депресија и од анксиозност. СЗО потсетува - но тоа важи и без пандемија - дека треба да се остават алкохолот, цигарите и сите останати дроги
Фотографија: picture-alliance/dpa/V. Heinz
Добар сон
Додека спиеме, телото вредно работи: келиите се обновуваат, се отстрануваат отровите, се зацврстува помнењето. Како што покажаа истражувањата, недостатокот на сон влијае не само на физичката состојба, туку и на психичката. Недостатокот на сон нѐ прави поподложни на хронични болести. На поголемот број луѓе им се доволни 6 до 9 часа сон, но важно е да се спие во одреден ритам.
Фотографија: Colourbox
Движење и вежбање
Движењето го исполнува телото со „хормоните на среќа“. Тоа овозможува подобро спиење, ги намалува стресот и стравовите, го зајакнува помнењето. Движење и спорт, па макар и дома - најмалку 30 минути дневно. Тренерите велат дека не важно како ќе ги поделите тие минимални 30 минути - можеби по 10 минути наутро, напладне и навечер? Кога можете излезете на свеж воздух.
Фотографија: picture-alliance/dpa/B. pedersen
Одржување на контактите
Пријателите во овој период на социјална изолација поради коронавирусот се поважни од кога било. Социјалните мрежи се докажано добри за здравјето. Бидејќи излегувањата и собирите сега не се можни, речиси сѐ се одвива на интернет. Но, подобро така отколку никако.
Изолацијата можеби е шанса да се заборави на светот и на надворешните вести. Размислите, што сакате веќе подолго да направите но никако не стигнувате? Нешто во градината, да испробате нов рецепт, да научите да плетете, да прочитате некоја книга која веќе подолго ве гледа обвинувачки од полицата? Сега е идеално време за тоа.
Фотографија: picture-alliance/dpa/J. Kalaene
5 фотографии1 | 5
Седум лица починале како резултат на компликациите поврзани со болеста. Најмладата жртва имала 44, а најстарата 83 години. Најголем број активни случаи во моментов има во Скопје- 298; Тетово- 83; Штип- 68 и Куманово-55.
Викендов, Институтот за јавно здравје ја подигна категоризацијата на ризикот од Ковид-19 во Скопје, Тетово и во Штип. Скопје и Тетово сега се во ткн. „фаза 4“ која се дефинира како „широко-распространета трансмисија во заедницата“, додека Штип до вчера беше во „фаза 3“- дефинирана како „локализирана трансмисија“.
