Повеќе од 150 загинати само во јануари: Кабул е сѐ поопасно место. Терористи од Исламска држава денеска повторно извршија напад во авганистанскиот главен град. Овојпат цел беше војската.
Фотографија: Reuters/M. Ismail
Реклама
Во нападот кој го извршија пет тешко вооружени борци на терористичката милиција Исламска држава (ИД) врз база на авганистанските вооружени сили во Кабул, според официјалните информации загинале најмалку 15 луѓе, меѓу нив и четворица напаѓачи.
Двајца напаѓачи се разнеле себеси во воздух, други двајца биле смртно застрелани, а еден напаѓач бил уапсен, изјави утрината портпаролот на авганистанското министерство за одбрана, Даулат Вазири. 16 авганистански војници биле повредени во нападот. Претходно беше соопштено дека пет војници биле убиени, а десет повредени.
Цел на нападот, според Вазири, била базата на 111. бригата во близина на воената академија Маршал Фахим. Со тоа ги демантираше информациите дека големата воена академија била цел на нападот. Тоа, имено, претходно го соопштија Претседателската палата, еден офицер кој живее во близина на академијата и авганистанските медиуми.
Не може со сигурност да се каже дали станува збор за семантичка разлика, или за уште едно потфрлање на безбедносните сили во заштитата на нивните институции. Во октомври имено, пред портите на академијата, во напад на талибански бомбаш самоубиец врз автобус полн со кадети загинаа најмалку 15 луѓе.
Што всушност претставува „Исламска држава“?
„Исламска држава“, покрај разорувањата во Ирак и Сирија, во вестите често се наоѓа и поради нејзината бруталност. Што е ИД и колку е моќна? Во продолжение ви претставуваме одговори на најчесто поставуваните прашања.
Што е „Исламска држава“?
Се смета дека „Исламска држава“ е фракција од терористичката организација Ал Каеда, т.е. сунитска милитантна група, за која се верува дека е формирана како одговор на недовербата и фрустрациите од неуспешното владеење на владите во Сирија и Ирак. На нивното знаме пишува „Мухамед е пророкот на Бог“ и „Нема друг бог освен Алах“ - фрази со кои се согласуваат сите муслимани, не само „ИД“.
Фотографија: AP
Каде е активна „Исламска држава“
Целта на „Исламска држава“ е формирање на „калифат“ - држава каде се почитуваат традиционалните вредности на исламот и шеријатското право. Поради нестабилноста на регионите во Сирија и Ирак, „Исламска држава“ успеа да освои и да стави под своја контрола тероитории во двете држави.
Што ја прави „Исламска држава“ различна?
Клучна разлика е бруталноста на „Исламска држава“ со која се влева страв кај противниците и цивилите - преку егзекуцијата со обезглавување и бруталното насилство. Лидерите на „ИД“ велат дека владеат со регионите кои ги освојуваат. Експертот за Средниот Исток, Шади Хамид за ПБС изјави: „Тие нудат социјални услуги. Управуваат со локалната власт. Обезбедуваат минимално ниво на право и поредок“.
Фотографија: gebphotography - Fotolia.com
„ИД“ во однос на останатите терористички организации?
„ИД“ е активна во Сирија и Ирак, но нигериската терористичка организација Боко Харам неодамна ја изрази својата поддршка. Тоа е како натпревар во суровост: додека Боко Харам е одговорна за 13.000 смртни случаи, „ИД“ е одговорна за најмалку 24.000 повредени или убиени. Ал Каеда се дистанцираше од „ИД“, а една од нејзините фракции наречена Нусра Фронт се бори против „ИД“.
Фотографија: Getty Images/A. Katib
Кои се следбениците на „Исламска држава“?
Нешто по кое се разликува „ИД“ се нејзините следбеници. Повеќе од 20.000 странски борци се придружија на групата, од кои повеќе од 4.000 доаѓаат од западна Европа и северна Америка. На сликата се прикажани државите од каде што потекнувааат најголемиот дел на борците. Најголем број борци - споредено со вкупниот број на жители на земјите, доаѓаат од мали земји како Шведска и Белгија.
Што преземаат западните влади против „Исламска држава“?
Од август 2014 година, коалиција предводена од САД спроведува воздушни напади против цели на „ИД“ во Сирија (1.422 напади) и Ирак (2.242 напади). Некои влади исто така беа активни во рамките на нивните држави: Германија ќе процесуира најмалку 30 осомничени милитанти кои се вратиле од Сирија, додека Саудиска Арабија уапси 93 осомничени милитанти во април 2015 година.
6 фотографии1 | 6
Инаку петтемина напаѓачи денешниот напад го започнале во пет часот утрината по локално време. Борбите, според Вазири, завршиле по цели пет часа. Одговорноста за нападот ја презеде Исламска држава преку својата пропагандна интернет страница Амак.
Станува збор за четврти тешок инцидент во Кабул во јануари. Повеќе од 150 луѓе загинаа во овие напади. Во најтешкиот од нив во саботата загинаа 100 луѓе откако бомбаш самоубиец се резнесе себеси во центарот на градот.
