Барак Обама ја прифати номинацијата на Демократската партија на нејзиниот национален конгрес и ќе се соочи со републиканецот Мит Ромни на претседателските избори во САД, на 6. ноември.

Американскиот претседател Барак Обама ги повика американските граѓани да одлучат во кој правец ќе оди нивната земја. Во својот говор на партискиот конгрес на Демократската партија во Шарлот, Северна Каролина, Обама истакна - за избор се нудат две, во основа различни, визии за иднината, зашто двајцата кандидати за американски претседател застапуваат различни правци. Актуелниот претседател и кандидат на демократите за оваа функција побара повеќе трпение во совладувањето на кризата, истакнувајќи ги предностите на својата политика. Обама конкретно вети еден милион нови работни места до 2016. година, двојно зголемување на американскиот извоз до 2014. година и намалување на државниот дефицит за четири илјади милијарди долари во период од 10 години.

Џо Бајден беше официјално потврден за кандидат на Демократската партија за потпретседател на САД на синоќешниот Конгрес.

Претседателските избори во САД ќе бидат одржани на 6. ноември. Противкандидат на Обама од редовите на Републиканската партија е претприемачот и мултимилионер Мит Ромни.