На Елон Маск му се заканува смена од врвот на електропроизводителот „Тесла“, откако Американската комисија за хартии од вредност го обвини за измама.
Фотографија: Reuters/J. Skipper
Реклама
Американското регулаторно тело го обвинува познатиот менаџер пред Американскиот сојузен суд во Менхетен поради тоа што со своите твитови за наводно планирано повлекување на фирмата од берзата, ги довел во заблуда инвеститорите. Елон Маск пак тврди дека не направил ништо погрешно и е разочаран од подигнувањето на обвинението, со оглед што отсекогаш во постапките се раководел од вистината, транспарентноста и доброто на инвеститорите. Управниот одбор на „Тесла“ застана во негова одбрана.
На сметка на Маск, кој воедно раководи и со фирмата за вселенски летови СпејсИкс, се става гревот и за загубите на пионерската фирма во производство на електромобили, „Тесла“, која на берзата е проценета на околу 50 милијарди долари. Акциите на „Тесла“ за краток период паднаа за 12 проценти. Покрај правните проблеми, концернот на Маск сега го мачат и производни тешкотии.
Зад производителот на електромобили остануваат два турбулентни месеци, откако Маск на 7. август на своите преку 22 милиони следбеници на Твитер им напиша дека можеби ќе го повлече концернот од берзата, за 420 долари по акција, и дека финансирањето е обезбедено. Со тоа „Тесла“ би била вреднувана на 72 милијарди долари. По твитот на Маск, се случија силни движења на курсевите. Подоцна, Маск ретерираше и изјави дека „Тесла“ останува на берзата. Се испостави дека тој не добил никкави ветувања од инвеститори.
Црвената „Тесла“ во вселената
01:02
This browser does not support the video element.
Американската комисија за хартии од вредност во тужбата истакнува:
„Сметаме дека Маск дошол до сумата 420 долари за акција така што додал 20 проценти од очекуваната вредност на акциите на 'Тесла', а потоа ја заокружил бројката на 420 долари, поради значењето што оваа бројка го има меѓу корисниците на марихуана, како и поради тоа што мислел дека неговата девојка тоа ќе го сфати како добра шега“, обвини Стивен Пејкин, висок службеник на СЕЦ.
Бројката 420 се смета за меѓународен симбол на марихуаната, а денот на марихуаната е 20 април. Поради постоење сомневање за вршење пазарни манипулации, следеа и колективни тужби од инвеститори, а и Министерството за правда на САД води истрага за случајот. Маск неодамна се најде во фокусот на јавноста и критиките, кога за време на едно видео пушеше марихуана.
„Тесла“ е нотирана на берзата од 2010 година, а Елон Маск има удел од околу една петтина од компанијата.
Некои се мислат, а некои веќе си заминаа од Фејсбук
Бројни компании соопштија дека го напуштаат Фејсбук или го стопираат користењето на социјалната мрежа. Од Фејсбук велат дека малку луѓе досега ги напуштиле поради скандалот со злоупотребата на лични податоци
Фотографија: Colourbox/Maxx-Studio
SpaceX и Тесла
Елон Маск, милијардерот сопственик на фабриката за електрични автомобили Тесла и ракетно производство SpaceX, на Твитер објави дека ги брише обата профили на неговите компании на Фејсбук. Одлуката делуваше спонтана, откако Маск напиша дека „не знаел“ оти SpaceX воопшто има Фејсбук профил. Профилите на двете компании имаа 2,6 милиони следбеници пред да бидат избришани.
Фотографија: Reuters/T. Baur
Моѕила
Компанијата која е сопственик на популарниот интернет пребарувач „Фајрфокс“ соопшти дека го стопира рекламирањето на Фејсбук. Но, нема да го избрише својот Фејсбук профил, туку ќе престане да постира информации за надградби. „Кога Фејсбук ќе преземе посилна акција во однос на споделувањето на лични податоци... ќе размислиме дали да се вратиме“, соопшти компанијата.
Фотографија: LEON NEAL/AFP/Getty Images
Комерцбанк
Една од најголемите германски банки најави дека го стопира рекламирањето на Фејсбук. „Ќе паузираме со рекламирањето на Фејсбук. Заштитата на податоците и сочувањето на добриот бренд се важни за нас“, изјави директорот за бренд менаџмент на Комерцбанк. Тој вели дека компанијата ќе причека да види што ќе се случува пред да ги преземе следните чекори.
Фотографија: Daniel Roland/AFP/Getty Images
Коосновачот на WhatsApp Брајан Актон
„Време е. #deletefacebook“. „Избриши го Фејсбук“, напиша коосновачот на апликацијата за пораки на Твитер на 20 март. Тој стана милијардер откако му го продаде WhatsApp на Фејсбук во 2014. Неодамна инвестираше во ривалска апликација за пораки наречена Сигнал. Во 2009 година, Актон неуспешно аплицирал за работа во Фејсбук.
Фотографија: picture-alliance/dpa/M. Gerten
Сонос
Производителот на звучници од САД најави повлекување на рекламите од Фејсбук и други социјални платформи, меѓу нив и Инстаграм. Од Сонос оценуваат дека последните откритија отвориле прашања за тоа дали Фејсбук прави доволно за заштита на приватноста. Но сепак, фирмата нема целосно да го напушти Фејсбук.
Фотографија: picture-alliance/AP Photo/Sonos
Др. Еткер се пишмани
Германската компанија за храна ги праша своите следбеници на Твитер дали да го избрише профилот на Фејсбук. „Ќе го избришеме нашиот Фејсбук профил за 1,000 ретвита“, соопштија тие на 21 март. Постот набрзо беше ретвитан 1,000 пати, и компанијата го избриша својот Фејсбук профил. Но, еден ден подоцна тој беше реактивиран, а компанијата на Твитер напиша дека „не може“ без Фејсбук.
Фотографија: Dr. Oetker
Одговорот на Фејсбук
Запрашани да ја коментираат најавата на фирми кои ја напуштаат социјалната мрежа, од Фејсбук велат: „Повеќето фирми со кои разговаравме се задоволни од чекорите кои ги најавивме за подобра заштита на личните податоци, и тие имаат доверба дека ќе одговориме на овие предизвици и ќе станеме подобри партнери и компанија“.
