„Ние можеме!“ Претседателката на Европската комисија во говорот за состојбата на Унијата во време на пандемија на коронавирусот ги избра вистинските зборови, оценува за ДВ од Брисел, Бернд Ригерт.
Фотографија: Reuters/Y. Herman
Реклама
Вонредни времиња како пандемијата бараат и вонредно дoбри говори. Можеби претседателката на ЕК токму така размислувала кога го пишувала.
Нејзиниот прв „говор за состојбата на Унијата” беше исклучително долг и во некои точки исклучително конкретен. Во овие кризни времиња би требало да влее исклучително многу доверба. Кризата како шанса, тоа беше лајтмотив за претседателката која на функцијата е од декември 2019.
Урсула фон дер Лајен ја пофали отпорноста на ЕУ која на почетокот на пандемијата беше слаба. И навистина брзиот одговор на членките на ЕУ за заедничкото финансирање на долговите преку програмата за обнова е неверојатно достигнување, или подобро кажамо револуција за стандардите на ЕУ.
Може ЕУ, ако има доволно притисок. Сега д моментот да го искористиме тој полет, бара фон дер Лајен. Неопходните промени во земјоделието, дигитализација, заштита на климата, па дури и многу контроверзната миграција мора да се обликуваат, а не да се дозволи да ги диктира катастрофа.
Неочекувано голема количина пари во фондовите за обнова, за чија употреба следните години ќе одлучува и ЕК, што на претседателката фон дер Лајен и дава голема моќ. А, таасака да ја искористи. Тоа во својот говор јасно го стави на знаење.
Бернд Ригерт, автор на коментарот
Даде и неколку конкретно насоки: повеќе од третина од 750 милијарди евра треба да оди како инвестиција за заштита на климатс, 20% за дигиталниот суверенитет на Европа, односно за складирање и обработка на податоци, независно од американски и кинески концерни.
Истовремено Урсула фон дер Лајен сака да воведе минимална плата во цела ЕУ, здравствена унија со повеќе надлежности во Брисел исигурен догитален идентитет за сите граѓани на Унијата.
Зада ја зајакне слогата во рамки на Унијата претседателката укажа на надворешни опасности. Ги критикуваше Русија, Кина и Турција и инсистираше на независност и во однос на Белата куќа, која пак ја издвоја експлицитно од остатокот на САД.
Разлика меѓу актуелниот американски претседател и претседателката на Европската комисија? За неа не важи мотото “Европа на прво место”, таа сака глобална соработка. Фон дер Лајен не остави простор за сомнеж кого би сакала од јануари следната година да види во Белата куќа. Се одважи да каже дека се надева на нов почеток во трансатлантските односи.
И точен е заклучокот кој претседателката на ЕК го извлекува од однесувањето на претседателот Трамп, Болсенаро и Путин за време на пандемијата. „Егоцентрична пропаганда” веќе не помага.
Коронавирус: Кога маката ќе те направи инвентивен
И во иднина ќе треба да живееме со пандемијата на коронавирус. Но, добро е што во меѓувреме има толку многу идеи кои ни го олеснуваат секојдневието со вирусот - иако на некои треба допрва да се навикнуваме.
Фотографија: JF Group GmbH
Добар апетит на вечера во стакленик
Конечно може да се отиде некаде на вечера: рестораните се повторно отворени по повеќе недели пауза. Во Културниот центар Медиаматик во Амстердам гостите можат да јадат во мали „оранжерии“, стаклени куќички, добро заштитени од ветар, временски прилики и коронавирусот кој евентуално може да им го пренесат други посетители. Концептот има добар прием, до крајот на јуни се резервирани сите маси.
Фотографија: picture-alliance/AP Photo/P. Dejong
Во ресторан со стаклена преграда на масите
Во многу ресторани пак на масите се поставува стаклена преграда, како оваа во „Гага кафе“ во Милано. Гостите при јадењето се заштитени од останатите со вграден плексиглас и од поторот меѓу масите, заради намалување на опасноста од инфекција. Заштитна маска сепак е обврска, барем додека не се јаде.
Фотографија: picture-alliance/dpa/C. Furlan
Фризерски салони со заштита
Посебни правила во време на пандемијата на коронавирус важат и во фризерските салони. Заштитни маски за уста за фризерите и муштериите, и овде мијалниците се одделени со стаклена преграда. Нема веќе кафе додека се чека во салонот, долго задржување е табу. На муштериите ионака им е важно само повторно да имаат добра фризура.
Фотографија: Imago Images/J. Tack
Судбоносното „да“ пред гостите во автомобили
Кој вели дека свадбите во време на корона мора да бидат без гости? Во едно автокино во Диселдорф младенците склопија брак додека гостите ја следеа церемонијата ѕиркајќи преку шофершајбните од нивните автомобили. На крајот на венчавката следеше бучно свирење со автомобилските сирени. Ова беше прва германска свадба во автокино.
Фотографија: picture-alliance/dpa/F. Strauch
„Црни острови“ во канцеларијата
Вака би можело да изгледа бирото на иднината: црни обележани простори на подот покажуваат колку можете да им се приближите на колегите, без да го прекршите правилото за дистанца од два метри. Преградите од плексиглас зад мониторите даваат дополнителна заштита. Но, за оваа визија на „футуристичката канцеларија“ од една филијала во Амстердам е потребно пред сё едно - многу простор.
Фотографија: Reuters/Cushman/Wakefield
Ред при чекањето
Не само во затворен простор, туку луѓето и надвор во идните месеци мора да држат меѓусебно растојание. На станица на метрото во францускиот град Ница стапалките во кругови покажуваат каде смеат да стојат патниците кои чекаат. Слични примери има низ цел свет. Но, и на ваков начин не може да се спречи турканица при влегувањето.
Фотографија: Reuters/E. Gaillard
Едносмерно движење
И во трговските улици во Данска луѓето треба да се движат по определени правила. Исто како и во автомобилскиот сообраќај, во Аалбог важи и за пешаците - секогаш движи се на десната страна. Целта е така да се избегнат премногу блиски средби. Дали тоа навистина функционира, барем на прв поглед, според оваа фотографија, е сомнително.
Фотографија: Reuters/H. Bagger
Живот во шише
Во густо населениот Хонгконг, некои луѓе со пресечено пластично шише не само што се погрижуваат за држење физичка дистанца, туку обезбедуваат и целосна заштита на лицето од евентуални капки кои содржат вирус. Мора да се признае, не изгледа баш удобно, но барем е евтин пронајдок.
Фотографија: AFP/A. Wallace
Направа за отворање врата
Држење физичко растојание е едно, избегнување инфекција преку површини е друго. Многу луѓе при влегувањето во лекарски ординации или јавни тоалети затоа ја отвораат вратата со лакт, но постои и нешто подобро. Овој „отворач на врати“ го решава проблемот, барем така тврди производителот.
Фотографија: JF Group GmbH
9 фотографии1 | 9
Таа побара конечно да се дојде до компромис когасе работи за распределбата на барателите на азил. Се залага и за напредок на Западен Балкан.
Обликувањето на утрешницата е амбициозна цел на кризната менаџерка фон дер Лајен. Тоа е улога која не ја одбрасамата, на тоа ја примора пандемијата. Нејзиниот говор е полн со предизвици. Дури употреби и реченица која како да ја препишала од нејзиниот идол Ангела Меркел. “Ќе успееме”, рече канцеларката во кризата во 2015.
„Ние можеме”, рече Урсула фон дер Лајен. Пречката ја подигна прилично високо и сега мора и да ја прескокне.
