Демонстрант ја бои зградата на Министерството за правда за време на анти-владиниот протест на 20 мај.

Зградата на Министерството за правда е честа цел на демонстрантите, како што прикажува и оваа фотографија. Пушките на вода, во меѓувреме, станаа омилено „оружје“.

Чаталот станува сѐ по популарен последниве недели. Со него се цели кон зградите на Собранието и Владата. Делува шашаво, но целта се постигнува. Космодиск, барем засега, не е потребен.

Сѐ почесто маскирани демонстранти учествуваат во протестите. По паричните казни и притворот кој им беше одреден на бројни демонстранти, многумина побараа заштита од полициските камери на овој начин.

Од време на време, некој демонстрант ќе изненади со досетливоста, како овој на фотографијата кој одлучи да ги поздрави полицајците парадирајќи пред нив на ролери.

Сите (ги) слушнаа за вувузелите за време на натпреварите на Светското првенство во фудбал во Јужна Африка во 2010 година. На демонстрантите во Македонија им се видоа погодни и за протест против режимот.

Славниот слоган „Нема да поминете“ за првпат беше употребен за време на битката кај Вердан во Првата светска војна. 'On ne passe pas' рекол францускиот генерал Роберт Нивел. Речиси сто години подоцна во Македонија, обвинителката Фатиме Фетаи му даде ново значење во контекст на политичката криза во земјата.

Поддршката за СЈО беше и остана клучниот момент на почетокот на секој протест против режимот. Маичките и другите дизајни во меѓувреме станаа основен модел детаљ на секој демонстрант.