Иако 30-те Олимписки игри официјално ќе бидат отворени утре, натреварувањата во Велика Британија веќе започнаа. Први на борилиштата излегоа фудбалерките, а првиот натпреварувачки ден започна со скандал. Репрезентативките на Северна Кореја одбија да истрчаат на теренот и да го одиграат мечот против Колумбија, во рамките на Г групата, поради погрешното знаме со кое била преставена нивната земја. Репрезентативките на Северна Кореја биле преставени со знамето на Јужна Кореја. Откако организаторот упати официјално извинување, натпреварот сепак се одигра, а севернокорејките победија со 2:0.

На останатите мечеви Велика Британија го победи Нов Зеланд со 1:0, Бразил со 5:0 го декласира Камерун, САД со пресврт ја совладаа Франција со 4:2, Шведска лесно се справи со Јужна Африка победувајќи со 4:1, а Јапонија со 2:1 извојува победа над Канада.