Во Советот за безбедност на ОН денеска треба да се одржат консултации за најновата предлог резолуција за идниот статус на Косово. Членките на Советот зад затворени врати ќе го разгледуваат текстот, предложен од страна на САД и ЕУ, кој предвидува дополнителни 120 денови преговори. По руските критики од резолуцијата беше изземен делот кој предвидуваше автоматско стапување на сила на предлогот на Марти Ахтиасраи доколку не биде постигнат договор. Косовскиот претседател, Фатмир Сејдиу, денеска изјави дека Косово се залага за усвојување на резолуција на Советот за безбедност која ќе го поддржи предлогот на Ахтисари, но дека постои подготвеност и за алтернативни патишта. Инаку, ЕУ синоќа повтори дека решението за Косово треба да се донесе преку Советот за безбедност. Унијата предупреди на опасноста од еднострано прогласување на независност или евентуална поделба на покраината.