На Запад нема разбирање за бруталниот однос кон демонстрантите и особено за бесмисленото осудување на Алексеј Навални на заторска казна. Дали во Русија важи само уште законот на посилниот?
Фотографија: Natalia Kolesnikova/AFP/Getty Images
Реклама
„Пресудата против Алексеј Навални е далеку од секое право. Навални мора веднаш да биде пуштен на слобода“, ја пренесе изјавата на германската канцеларка Ангела Меркел гласноговорникот на владата, Стефен Зајберг.
Реакцијата на цела низа други западни политичари поради демонстрацијата на полициска сила против демонстрантите во Русија и за осудата за Навални на затворска казна од околу две години и 8 месеци, се практично идентични и се разликуваат само по жестината на изразот.
Фотографија: Moscow City Court/dpa/picture-alliance
Со посебен интерес се очекуваше и реакцијата на новата влада во Вашингтон, особено бидејќи во руските кругови токму „странските сили“ и Америка се обвинуваат за поддршка на демонстрантите.
Новиот американски министер за надворешни работи, Ентони Блинкен, остро го осуди апсењето на Навални и случувањата во Русија. „Владата на Русија прави голема грешка ако верува оти тука се работи за нас. Се работи за нивната влада: за фрустрацијата на луѓето во Русија поради корупцијата и автократијата и сметам дека треба да гледаат кон себе, а не кон надвор“, додаде Блинкен.
Илјадници уапсени
Британскиот министер за надворешни работи, Доминик Раб, ја напаѓа на оваа „перверзна пресуда“ која ги казнува жртвите со обид на труење, а не сторителите. Високиот претставник за надворешна политика на ЕУ, Жозеп Борел, ја предупреди Москва дека тоа е очигледно кршење на преземените обврски на Русија во областа на начелото за правна држава и основните слободи. Во порака на социјална мрежа тој потсети и на пресудата на Европскиот суд за човекови права кој постапката против Навални ја оцени како самоволна и непримерна, а веќе утре Борел планира да ја посети Москва.
Владимир Путин: Патот до моќта
Владимир Путин е избран за претседател на Русија во четвртиот мандат. Поглед кон подемот на Путин од нискорангиран агент на КГБ до незапирлива политичка сила.
Фотографија: Reuters/D. Mdzinarishvili
Кадет на КГБ
Роден во Санкт Петербург во 1952, Путин се пријави во советската раразузнувачка служба КГБ веднаш по завршувањето на правниот факултет во 1975. Негова прва задача бил надзорот на странски државјани и вработени во конзулатите во родниот град, тогаш со името Ленининград Потоа замина на служба во Дрезден, источна Германија. Тој наводно запалил стотици документи на КГБ по падот на Берлинскиот ѕид.
Лево на фотографијата, младиот Путин стои до тогашниот градоначалник на Санкт Петербург, Анатоли Собчак. Тој му беше професор на Путин и го назначи за свој советник за меѓународни прашања. И покрај корупцискиот скандал на почетокот од службата, Путин не ја загуби работата, токму поради пријателството со Собчак.
Фотографија: Imago/ITAR-TASS
Метеорски подем
Путин набргу се префрли во Москва. Во 1997 рускиот претседател Борис Елцин му додели среднорангирана функција во неговата администрација- позиција која Путин ќе ја искористи за да создаде важни политички пријателства, кои ќе му бидат од полза во наредните децении.
Фотографија: picture alliance/AP Images
Смртта на пријателот
Путин беше длабоко потресен од смртта на Собчак во 2000 година. Откако ученикот политички го надмина својот учител, Собчак стана гласен поддржувал на кандидатурата на Путин за претседател на Русија. Една година претходно, Путин ги искористи своите врски за да бидат отфрлени обвинувањата против Собчак за проневера.
Фотографија: picture-alliance/dpa/S. Chirikov
Привремен претседател
Во јуни 2000 година, Борис Елцин поднесе оставка, отстапувајќу му на премиерот да стане привремен лидер на државата. За време на успешната претседателска кампања, повторно излегоа на површина обвинувањата за корупција против Путин од времето на неговата служба во Санкт Петербург. Марина Салје, пратеничката која ги изнесе обвинувањата, беше замолчена и принудена да го напушти градот.
Фотографија: Imago/ITAR-TASS
Тандемократија
Кога Путин уставно беше спречен да се кандидира за трет последователен мандат во 2008 година, премиерот Дмитри Медведев се кандидираше на негово место. Кога Медведев беше избран, тој го назначи Путин за премиер. Тоа доведе до критики за „тандемократија“ во Москва и многумина беа убедени дека Медведев е марионета на Путин.
Фотографија: Imago/ITAR-TASS
Победа
Во март 2018 година, Владимир Путин е избран за руски претседател во четврти мандат. Путин ќе биде на власт и во наредните шест години, со оглед дека претседателскиот мандат претходно беше продолжен на шест години. Избоrите беа засенети од обвинувањата за нерегуларности и манипулации, како и од фактот дека немаше вистинска опозиција на Путин.
Фотографија: Reuters/D. Mdzinarishvili
7 фотографии1 | 7
Многу коментатори како главна причина за оваа осуда на Навални го гледаат гневот на Владимир Путин, бидејќи опозицискиот политичар објави детален опис на големата палата која рускиот претседател ја изградил на Крим. А тоа, пред изборите за рускиот парламент на владетелот на Кремљ воопшто не му се допадна - против демонстрантите во руските градови се испратени бројни припадници на Националната гарда, а конфликтите по веста за осудата на Навални повеќе ескалираа. Како што јавува агенцијата Интерфакс, во последните 24 часа се приведени најмалку 1.400 лица, од кои поголемиот број се уапсени на демонстрациите во Москва. Порталот овд-Инфо пренесе дека во цела Русија се уапсени дури 5.500 лица.
