Турската полиција осуети атентат во градот Измир. Во акцијата се уапсени седум лица и заплени експлозивни средства. Приведените се припадници на курдските бунтовници и се осомничени дека планирале напади по одлуката на турскиот парламент да и даде зелено светло на владата за можна воена интервенција во северен Ирак. Според Анкара околу 3500 припадници на курдската ПКК се наоѓаат во Северен Ирак и имаат поддршка од ирачките Курди. Во 1984 година оваа група започна со сепаратистичката вооружена борба во Турција во која досега загинаа над 37 000 лица.