По жестоките протести во Италија иницирани од смртта на еден фудбалски навивач, фудбалската федерација донесе одлука за откажување на следното коло во втората и третата лига. Првата лига и онака беше предвидено да паузира една недела. Министерството за внатрешни работи во Рим одлучи да забрани групно патување на навивачи подготвени на насилство. Серијата протести се случија откако еден навивач беше застрелан од полицаец кој интервенирал во тепачка меѓу навивачите на клубот Јувентус и Лацио на паркинг во регионот Тоскана. Властите зборуваат за трагична грешка на полицаецот, кој пукал предупредувачки во воздух.