Безобѕирниот воен јастреб Џон Болтон ја напушта Белата куќа. Тоа е можеби добар знак за дипломатијата, но со него си заминува еден од последните критичари од опкружувањето на Трамп, смета Оливер Салет.
Реклама
Невообичаен крај на советникот за национална безбедност Џон Болтон по една и пол година на функцијата. Познат како јастреб, надворешнополитички хардлајнер, човек кој постојано нескриено се залагаше за воени напади и кој пред сѐ решително се изјаснуваше против секаква форма на дипломатија.
Колку и да се тврди неговите позиции, Џон Болтон беше и човек кој му се спротивставуваше на претседателот Трамп. Со него сега занемува уште еден критички глас во опкружувањето на Трамп, а на негово место, како многупати досега, веројатно ќе биде поставен лојален човек.
Смена на министри со рекордно темпо
На пример, министерот за правда Џеф Сешнс не сакаше да го отпушти незгодниот специјален иследник Роберт Малер и се прогласи за пристрасен во истрагата за врските со Русија. Беше принуден на оставка и заменет од Вилијам Бар, човек многу попријатен за претседателот Трамп. Бар со својата авантуристичка интерпретација на извештајот на Малер предизвика вџашеност кај демократите и со тоа му даде поддршка на својот шеф.
Оливер СалетФотографија: DW
Или пак оставката на искусниот министер за одбрана Џим Матис, кој го фрли пешкирот кога Трамп најави повлекување на американските трупи од Сирија и со тоа изненади многу свои советници. Матис важеше за еден од последните разумни гласови меѓу Трамповите министри.
Џон Болтон навистина не би можел да се опише како глас на разумот. Како еден од архитектите на ирачката војна во времето на Џорџ Буш тој беше соочен со обвинувања дека со својот став дополнително го дестабилизирал Блискиот Исток. Во последно време постојано бараше воен напад врз Иран. Болтон, исто како и претседателот Трамп, е противник на мултилатерализмот, но со своето ѕвечкање со сабји тој му се спротивстави на едно од централните изборни ветувања на Доналд Трамп - дека САД ќе се држат настрана од меѓународни кризи и конфликти.
На рамноправно ниво со талибанците
Но Болтон беше и гласен критичар на Трамповите несреќни обиди за постигнување договори, при што постојано бараше преговори на рамноправно рамниште со меѓународно изолирани деспоти. На пример, средбите на Трамп со Ким Јонг Ун кои не дадоа резултат, беа пред сѐ ПР-успех на севернокорејскиот диктатор. Исто така и талибанците би се радувале на покана во Кемп Дејвид, со што би застанале на исто рамниште со светски шефови на држави или влади.
Џон Болтон беше трн в око. Тој беше против дипломатија со политичките противници, а особено против дипломатија со радикално исламистичките талибанци.
Заминувањето на Болтон е можеби добра вест за американската дипломатија, вртење грб на американското ѕвечкање со сабји, како и знак на надеж за заглавениот конфликт со Иран. Но, тоа покажува уште еднаш како Доналд Трамп се однесува со критичарите кои му стојат на патот. Оној кој не се согласува со американскиот претседател, мора да си оди.
'You're fired' - Жртвите на администрацијата на Трамп
Американскиот претседател Доналд Трамп ги отпушта високите функционери во Белата Куќа побрзо отколку што можете да кажете "covfefe“. Еве ја листата на неговите досега отпуштени соработници
Со твит на 22 март, Трамп најави дека го заменува Мекмастер со Џон Болтон како негов советник за национална безбедност. Почитуван генерал, Мекмастер најави дека се повлекува од армијата и од јавната служба. Трамп и Мекмастер имале различни погледи за бројни прашања.
Фотографија: Imago/photothek/F. Gaertner
Рекс Тилерсон
Поранешен директор на Ексон, Тилерсон беше државен секретар едвај повеќе од една година. Трамп го отпушти Тилерсон со цел да формира „нов тим“ во пресрет на разговорите со Северна Кореја, признавајќи дека со Тилерсон „имале недоразбирања за нешта“. Нивните односи отидоа по надолна линија откако Тилерсон го нарече Трамп „морон“ во 2017.
Фотографија: picture-alliance/dpa/J. Ernst
Гери Кон
Ветеранот од Голдман Сакс, му беше главен економски советник на Трамп. Тој ги избутка даночните реформи во 2017. Но, Кон си поднесе оставка во март 2018 откако не успеа да го убеди Трамп да не воведува заштитни царини за увоз на челик и алуминиум.
Фотографија: Getty Images/D. Angerer
Хоуп Хикс
Таа поднесе оставка од функцијата директор за комуникации на Белата Куќа на крајот на февруари. Ден пред оставката, Хоуп сведочеше во Конгресот за мешањето на Русија во изборите. Призна дека кажувала „шарени лаги“ во корист на Трамп, но не во врска со Русија. Белата Куќа инсистира дека оставката не била поврзана со сведочењето.
Фотографија: Reuters/L. Millis
Роб Портер
Секретарот на персоналот на Белата Кужа поднесе оставка откако поранешните сопруги го обвинија за домашно насилство. Тој ги демантираше обвинувањата. Трамп го бранеше Порер, а американските медиуми се прашуваа како воопшто ги минал тестовите за вработување. Се шпекулира дека е во романтична врска со Хоуп Хикс.
Фотографија: Getty Images/AFP/N. Kamm
Стивен Бењон
Тој имаше клучна улога во победата на Трамп на изборите, но мораше да замине по само една година. Бењон се залагаше за економски национализам и ја промовираше стратегијата „Америка на прво место“.
Фотографија: picture alliance/AP Photo/A. Brandon
Ентони Скарамучи
Поранешниот хеџ-фонд инвеститор беше директор за комуникации само 10 дена. Трамп беше незадоволен од неговиот медиумски напад врз колегите од тимот на претседателот.
Поранешниот шеф на кабинет во Белата Куќа беше принуден на оставка само шест месеци откако дојде на функцијата, по јавниот судир со Ентони Скарамучи. Прибус беше еден од функционерите кои се противеле на именувањето на Скарамучи.
Фотографија: Reuters/M. Segar
Шон Спајсер
Спајсер имаше затегнати односи со претседателот, но и со медиумите, а поднесе оставка откако директно му кажал на Трамп дека остро се спротивставува на именувањето на Скарамучи за директор за комуникации на Белата Куќа.
Фотографија: Reuters/K.Lamarque
Мајкл Дубке
Поранешниот директор за комуникации на Белата Куќа беше принуден на оставка во мај 2017 година, откако беше критикуван поради слабата контрола на скандалот со руското мешање во изборите во САД.
Фотографија: picture-alliance/AP Photo/S. Walsh
Џејмс Коми
Претседателот Трамп го отпушти директорот на ФБИ, Коми- наводно поради лошото водење на истрагата за електронската пошта на Хилари Клинтон. Но, критичарите веруваат дека отказот се должел на истрагата на ФБИ за врските на Трамп со Русија.
Фотографија: picture-alliance/AP Photo/J. S. Applewhite
Мајкл Флин
Именуван како прв советник на Трамп за национална безбедност, Флин поднесе оставка во февруари 2017, откако беше откриено дека разговарал за американските санкции кон Русија со рускиот амбасадор во Вашингтон, уште пред доаѓањето на Трамп на функцијата, и го излажал потпретседателот Мајк Пенс за содржината на тој разговор.
