Астрономите открија седум нови планети кои би можеле да содржат вода во течна состојба. Нивното откритие покажува дека планети слични на Земјата се многу повообичаени во вселената отколку што претходно се мислеше.
Фотографија: NASA/JPL-Caltech
Реклама
Пронајден е систем од седум планети во соѕвездието Водолија (Аквариус) и на некои од нив има услови за постоење живот, објавија синоќа научниците на Американската вселенска агенција (НАСА).
Седумте планети кои се со слични размери како Земјата, се наоѓаат на околу 40 светлосни години одалеченост од нашата планета и орбитираат околу ѕвездата Трапист-1. Ова не е првпат астрономите да откријат планети слични на земјата надвор од Сончевиот систем. Но ова е првпат тие да откријат толку многу такви планети кои орбитираат околу една единствена ѕвезда.
Како што беше соопштено во НАСА, планетите ги открил тимот под раководство на белгискиот научник Микел Жијон од универзитетот во Лиеж.
Споре него, Трапист-1 е џуџеста ѕвезда со големина на Јупитер. Три од планетите кои кружат околу неа се наоѓаат во таканаречената „зона погодна за живот“, каде постои можност за постоење на вода во течна состојба и на живот. Останатите планети се наоѓаат на прагот на „зоната погодна за живот“.
НАСА: Сензационално вселенско откритие
01:09
This browser does not support the video element.
Научниците наведоа дека се потребни дополнителни истражувања на атмосферата за да се утврди дали на овие карпести планети може да опстане некаков облик на живот.
Според НАСА станува збор за највозбудливото вселенско откритие во последните 15 години. Жијон пак оцени дека откритието е само навестување колку планети слични на Земјата се наоѓаат во вселената.
„Има 200 милијарди ѕвезди во нашата галаксија. Помножете го тоа со 10 и ќе го добиете бројот на планети налик на Земјата“, изјави Жијон.
Разгледници од вселената
Сентинел 1 беше лансиран во вселената на 3. април 2014. година. Првиот сателит во рамките на европската програма за набљудување на Земјата - Коперникус треба да обезбеди податоци за анализа на животната средина.
Фотографија: ESA – S. Corvaja
Први фотографии од новиот сателит
Сентинел -1 би требало да тестира една револуционерна идеја: датотека на податоци во вселената. Сателитот е опремен со специјален ласер, кој овозможува брза размена на големо количество податоци. Тоа е посебно важно кога времето може да чини животи, како што е во случај на природни катастрофи. Сега можат да се видат првите фотографии.
Фотографија: ESA/ATG medialab
Први чекори
Само десетина дена по стартот во вселената, Сентинел -1 ја направи првата фотографија. Во согласност со европскиот проект, таа го прикажува белгискиот главен град Брисел.
Фотографија: ESA
Гигант кој се топи
Ова е фотографија на глечер на островот Пајн. Од таа гигантска маса на западниот Антарктик секоја година милијарди тони мраз завршуваат в море. Последица на глобалното затоплување: предниот дел од глечерот, според оценката на експертите, секоја година се намалува за еден километар.
Фотографија: ESA
Земјата долу
Каприви е област во североисточниот дел од Намибија. Во дождовниот период, од декември до март, реката Замбези поплавува многу делови од таа област. Со својата мрежа на водени текови, областа Каприви е единствена во Намибија во која преку цела година има вода, а со тоа и животни.
Фотографија: ESA
Најголема концентрација на истражувачи
Најсеверниот дел од Антарктикот го сочинува еден полуостров. Неговите планини се високи до 2800 метри и се сметаат за продолжение на јужноамериканските Анди. На антарктичкиот полуостров се наоѓа најголемата концентрација на истражувачки станици на континентот.
Фотографија: ESA
Мраз во движење
Аустфона на Свалбард во Норвешка, со своите 8.120 квадратни метри, е најголемиот глечер во Европа. Заедничките мерења на Сентинел-1 и Германскиот вселенски центар ДЛР покажаа дека таа област се движи десет пати побрзо отколку што досега се мислеше.
Фотографија: ESA/DLR/Gamma/University of Leeds/University of Edinburgh
Фотографија на имењакот
Овде со боја е означен островот Северен Сентинел, најзападниот Андамански остров во Индискиот Океан. Пристапот кон него од 1966. година е строго забранет. На него живеат припадници на племето Сентинел, кои упорно одбиваат секаков контакт со останатиот свет.
Фотографија: ESA
Најголемата солена пустина на светот
Салар де Ујуни е најголемата солена пустина во светот. Таа настанала пред повеќе од 10.000 години откако пресушило езерото. Салар де Ујуни се наоѓа на надморска височина од над 3.600 метри во југозападна Боливија.
