Ирачките воени сили утрината започнаа офанзива за освојување на стратешки важниот аеродром во Мосул. По неколку часа борби, тој повеќе не е под контрола на борците на Исламска држава.
Фотографија: Reuters/A. Al-Marjani
Реклама
Ирачките вооружени сили според наводи на државната телевизија го освоиле стратешки важниот аеродром во упориштето на Исламска држава, Мосул. Околу три километри долгиот простор на кој е сместен аеродромот е целосно ослободен од рацете на ИД, соопшти телевизијата. Таа се повикува на сопствените репортери во некогашниот милионски град. Армија ја започна офанзивата за освојување на аеродромот во раните утрински часови. Брзото напредување и снимките на државната телевизија наведуваат на заклучок дека ирачките војници наишле на спорадичен отпор од страна на борците на ИД. Истовремено беше нападната и воена база окупирана од терористичката група во непосредна близина на аеродромот. Двете цели јужно од центарот на Мосул важат за важни стратешки точки за ослободување на западен Мосул.
Освојувањето на овој дел од градот се проценува како потешко отколку освојувањето на источниот дел на градот, кој ирачките сили успеаја целосно да го преземат од рацете на ИД на крајот на јануари. Иако е значително помал од источниот дел, западен Мосул е погусто населен со тесни улички и во него има населби чии жители како што се проценува ја поддржуваат Исламска држава.
Фотографија: Reuters/A. Al-Marjani
Илјадници ирачки војници, со поддршка од артилеријата и воздушните сили се ангажирани во офанзивата за преземање на контролата врз Мосул. ОН изразија загриженост за цивилите кои останаа во градот, по извештаите дека нивната бројка би можела да достигнува и до 650 илјади.
Повеќе од 160 илјади луѓе веќе ги напуштија своите домови во околината на градот. ОН на крајот на јануари соопшти дека речиси една половина од жртвите во Мосул се цивили. Сите мостови кои ги поврзуваат источниот и западниот дел на градот на реката Тигар се уништени во воздушни напади. Џихадистите го зазедоа Мосул во 2014 година кога почна нивниот брз продор во поголем дел од северен и западен Ирак. Мосул е последно поголемо упориште на ИД во Ирак. Доколку терористичката милиција ја загуби контролата над градот, таа во голема мерка ќе биде воено победена во Ирак.
Битката за Мосул
Што се случува во Мосул од започнувањето на операцијата за ослободување на градот од „Исламска држава“?
Додека ирачките сили навлегуваа во територијата окупирана од „Исламска држава“, во операцијата за ослободување на Мосул, пронајдоа масовна гробница со стотина тела, повеќето обезглавени. Сликата покажува коски и тела во распаѓање кои беа ископани од земјата. Ирачки полициски офицер држи детска играчка која била најдена на местото.
Фотографија: picture-alliance/AP Photo
Сведоштво за бруталностa
Гробницата која беше пронајдена во близина на градот Хамам Ал Алил во близина на Мосул е сведоштво за бруталноста на „Исламска држава“. Милитантите на ИД извршија серија на масакри по освојувањето на големи делови од јужен и централен Ирак во 2014 година. Оваа слика покажува ирачки војник кој врши инспекција на зграда која била користена како затвор од страна на ИД во Хамам ал Али.
Фотографија: Reuters/T. Al-Sudani
Ослободени од терор
Овие мажи, бегалци од ирачката област Хамам ал Али го прославуваат ослободувањето на нивното село од страна на ирачките сили. Сега можат да се вратат во своите домови.
Фотографија: Getty Images/AFP/A. Al-Rubaye
Запалени полиња со нафта
Како одговор на воената офанзива, „Исламска држава“ ги запали полињата со нафта. Командир на ирачките воени сили изјави дека повеќе од 5.000 цивили биле евакуирани од источните делови на Мосул и биле сместени во кампови. Изненадувачката офанзива на здружените сили покажа дека дури и кога е под напад, ИД може да предизвика хаос во различни делови на Ирак кои се далеку од базата во Мосул.
Фотографија: Reuters/A. Al-Marjani
За што се војува во Мосул?
Чад се издига за време на судирот помеѓу Пешмерга и милитантите на ИД во градот Башика, источно од Мосул. Првично, градот беше користен од ИД за воспоставување на својот калифат, а подоцна како извор на ресурси. Мосул е база за операциите на ИД со хемиско оружје. Античкиот град Асириан е витален ресурс за приходи од данок и принудна работа за ИД.
Фотографија: Reuters/A. Lashkari
Улогата на ирачката армија и нејзините сојузници
Ирачките специјални сили се во засолниште откако нападнати од снајперски оган на ИС. Заедно со курдската Пешмерга и шиитските милиции, ирачките сили ги засилија борбите и продолжија кон освојување на погусто населени зони од градот без воздушна поддршка од коалицијата предводена од САД поради високиот ризик од цивилни жртви.
Во меѓувреме, дел од силите на курдската Пешмерга се фокусираат на други упоришта на „Исламска држава“ во северен Ирак и во градот Киркук каде ИС лансираше серија на насилства како одговор на напредокот на ирачката армија кон Мосул.
Фотографија: picture-alliance/dpa/A. Dicenzo
Бегалци од војната
Обединетите нации изјавија дека повеќе од 34.000 луѓе ги напуштиле своите домови во Мосул од почетокот на операцијата во средината на октомври. Три четвртини се сместени во кампови, а останатите во заедници за бегалци.