Министерот за внатрешни работи Томас де Mезие порача дека пакет бомбата била во состојба да предизвика сериозни повреди. Таа била спакувана во издлабена книга и имала соодветен механизам за активирање кога ќе се отвори. Пакетот била адресиран на канцеларката лично, која вчера се наоѓаше во Брисел.

Владиниот портпарол Штефен Зајберт ја пренесе јавната благодарност на канцеларката за будноста на надлежните служби: „Пред се’ сме среќни што никој не беше повреден, ни полицаец, ни соработник на кабинетот на канцеларката. Благодарноста на канцеларката е насочена пред се’ на безбедносните сили кои работеа многу внимателно...“

Атентаторите се обиделе да се камуфлираат ставајќи го како испраќач грчкото министерство за економија.

Во меѓувреме мерките за безбедност во цела Германија се заострени: „Денеска наредив сите владини служби да ги проверат мерките за безбедност и да ги заострат, а ги информирав и германските фирми“, порача вчера министерот за внатрешни работи Томас де Мезие.

Автор: Бетина Маркс/ Горан Чутаноски

Редактор: Александра Трајковска