Пакистанските сили за безбедност и понатаму водат борби со радикалните исламисти забарикадирани во Црвената џамија во Исламабад. Според информации на пакистанската влада во џамијата се наоѓаат уште околу 200 исламисти. Претходно на повикот на полицијата да се предадат одговорија 1.200 милитантни ученици на верското училиште при џамијата. Верските лидери во џамијата сакаат Пакистан да стане „исламска божја држава„ по угледот на Авганистан во времето на Талибанците.