Палестинците ги прекинаа контактите со Израел
22 јули 2017![Israel - Palästina - Konflikt - Unruhen](https://static.dw.com/image/39800018_800.webp)
Претседателот на Палестинците, Махмуд Абас, по кризната седница на владата изјави дека прекинот на контакти ќе трае сѐ додека „окупаторската сила“ Израел не ги укине безбедносните мерки на Ридот на храмовите. По минатонеделниот напад, во кој беа убиени двајца израелски полицајци, Израел во неделата постави детектори за метал на влезовите во светилиштата во старото градско јадро на Ерусалим. Според сопствени наводи, Израел на тој начин сака да спречи внесување оружје. На мажите под 50 годишна возраст сосема им е забранет пристап до Ридот на храмовите, каде се наоѓаат и џамијата Ал Акса и Ѕидот на плачот, кои се сметаат за едни до најсветите места за муслиманите и Евреите.
Во текот на протестите по петочните молитви во Источен Ерусалим и во блискиот град Абу Дис на Западниот брег, загинаа тројца Палестинци. Десетици лица се повредени. До судири меѓу изралеските сили и Палестинците дојде и на Ридот на храмовите. Во текот на вечерта стигна информација за уште еден напад врз Израелци. Израелската армија соопшти дека напаѓач се втурнал во куќа во еврејската населба Неве Зуф, северозападно од Рамала, и со ноќ прободел тројца израелски цивили. Напаѓачот е убиен. Армијата не наведе податоци за неговиот идентитет.
Поради тензичната состојба Абас директно им се обрати на САД, јави агенцијата Вафа. Ситуацијата е „екстремно опасна и може да излезе од контрола“, рекол Абас во телефонски разговор со Џеред Кушнер, советник и зет на американскиот претседател Доналд Трамп.