Папата Франциско размислува да отпатува во завојуваниот Киев
ЖА / агенции
2 април 2022
Папата Франциско ја осуди војната во Украина, но избегна директна критика на Русија и на нејзиниот претседател Владимир Путин.
Фотографија: Darrin Zammit Lupi/REUTERS
Реклама
На почетокот од својата посета на Малта, поглаварот на Римокатоличката црква во главниот град Валета изјави дека од истокот на Европа стигна „мракот на војната“. Повторно „одделни моќни поединци“ разгоруваат конфликти. Но, папата Франциско, како и во претходни прилики, не ги спомена поименично Русија и нејзиниот претседател Владимир Путин.
„Мислевме дека инвазијата врз други земји, бруталните улични борби и атомската закана се мрачни сеќавања на далечно минато. Но, ледениот ветар на војната, кој донесува само смрт, уништување и омраза со себе, се надвисна над животот на многу луѓе“, изјави папата. Жално е да се гледа како одделни моќни поединци напредуваат во потрага по територии и зони на влијание, истакна папата Франциско.
Тој денеска пристигна во дводневна посета на Малта, најмалата членка на ЕУ. Една од неговите главни теми е односот кон бегалците, за чија судбина посебно се интересира и ангажира. „Проширувањето на страдањата на мигрантите, притоа да се помисли само на бегалците од Украина, од нас бара сѐопфатни, заеднички одговори. Не е можно целиот товар притоа да се стави на грбот на одделни држави, додека други земји остануваат целосно рамнодушни“, потенцираше Франциско.
Пред патувањето во Малта, папата во Ром се сретна со бројни семејства избегални од војната во Украина. При летот кон Малта ги потврди своите размислувања да го посети Киев. На прашање на новинар во авионот, папата одговорил: „Да, тоа е опција која е присутна“.
Мариупол, градот кој не се предава
Во четвртата недела од руската агресија врз Украина, нападите врз цивилното население се засилуваат. Додека оние кои можат бегаат од Мариупол, Киев одбива предавање на опколениот град.
Фотографија: Str/AA/picture alliance
Егзодус од Мариупол
Изминатата недела, десетици илјади луѓе се обидуваат да избегаат од уништениот град Мариупол. Од почетокот на војната, стратешки важниот јужен пристаништен град е соочен со непрекинато бомбардирање и ракетни напади, голем дел врз цивилни цели. Според руски извори, околу 130.000 од 440.000 жители на градот и натаму се во него.
Фотографија: Str/AA/picture alliance
Уништен град
По четиринеделно непрекинато бомбардирање, во градот повеќе не може да се живее. Според градската администрација, 80% од становите се уништени. Многу фотографии од Мариупол прикажуваат уништени или изгорени станбени згради, како оваа на руската државна агенција Тасс.
Руските напади врз цивилни цели во Украина наведоа повеќе западни политичари да зборуваат за руски „воени злосторства“. Меѓу нив се германската министерка за надворешни работи Аналена Бербок и шефот на дипломатијата на ЕУ, Жозеп Борел. Борел рече дека Русија ја уништува Украина без никаква почит за правилата на војување.
Фотографија: REUTERS
Русија тврди дека напаѓа само стратешки цели
Русија тврди дека напаѓа само стратешки и воени цели. Москва ја обвинува украинската единица „Азовски баталјон“ за ракетирањето на театарот во Мариупол. Стотици луѓе се спасија од урнатините, благодарение на бункер во подрумот на театарот, кој сега е целосно уништен.
Проруските сепаратисти, кои го контролираат регионот Доњецк во источна Украина, ги набљудуваат излезите од градот. Тие се отворени само за невооружени цивили кои сакаат да си заминат од градот.
Фотографија: Str/AA/picture alliance
„Евакуирани“ на непријателска територија
Оваа фотографија, објавена од руската државна агенција Тасс, прикажува луѓе евакуирани од Мариупол во окупираниот Доњецк. Русија тврди дека сака да им обезбеди заштита на украинските бегалци. Градскиот совет на Мариупол, пак, ја обвинува Русија дека им дозволува на сепаратистите насила да ги одведуваат украинските бегалци во Русија.
Мариупол не е единствениот украински град погоден од руските напади. Во северна и источна Украина, ракети и гранати непрекинато паѓаат врз големи градови како Суми, Харков и Киев. Ова се остатоците од трговски центар во Киев откако беше погоден од руски проектил. Четири лица загинаа во нападот.
Фотографија: Daniel Ceng Shou-Yi/ZUMAPRESS/picture alliance
Ukraine rejects surrender of Mariupol
On Sunday, Russia had given Ukraine an ultimatum to surrender Mariupol by Monday afternoon. Ukraine rejected the demand. Instead, thousands of civilians again left the city, which the Ukrainian government says is under continuous fire. According to Russian separatist leader Denis Pushilin, the battle for Mariupol could last weeks longer.
