Германското друштво за пародонтологија, повикувајќи се на нова студија, предупредува дека пародонтитисот, слично како и некои други болести, треба да се смета за фактор на ризик за тежок облик на Ковид-19.
Пародонтитисот, познат и како пародонтоза, е бактериско воспаление на непцата. Наследен фактор, пушење, лоша орална хигиена или погрешен начин на миење на забите, можат да предизвикаат создавање на наслаги од бактерии кои го напаѓаат забното месо. Тоа воспаление често останува неоткриено, бидејќи не предизвикува болка. Се забележува најчесто дури откако забите ќе прокрварат.
Научниците, користејќи електронски медицински досиеја, го испитувале текот на болеста кај 568 заболени од Ковид-19 во болниците во Катар во периодот меѓу февруари и јули 2020 година.
Според студијата објавена во специјализираниот магазин „Журнал на клиничката периодонтологија“, пациентите со Ковид-19 кои имале пародонтитис морале 3,5 пати почесто да бидат лекувани на одделенијата за интензивна нега и 4,5 пати почесто да бидат ставани на респиратор. Исто така, тие умирале речиси девет пати почесто од пациентите со здрави заби и непца.

Бактериите од устата преминуваат на белите дробови

Научниците воочиле дека пациентите со пародонтоза вдишуваат бактерии кои, на тој начин, од устата влегуваат во белите дробови и таму предизвикуваат дополнителни воспаленија, особено кај пациентите кои се на респиратор.
„Тоа може да придонесе за влошување на здравствената состојба на пациентите со Ковид-19 и да го зголеми ризикот од смрт“, вели авторот на студијата Маријано Занц. Поради тоа, тој препорачува пред употребата на респиратор, на пациентите кои имаат пародонтоза да им се дезинфицира усната шуплина.
Според Германското друштво за пародонтологија, студијата укажува на „важноста на пародонталното здравје во поглед на превенцијата, а можеби дури и на управувањето со компликациите со Ковид-19“. Затоа лекарите советуваат да не се занемарува негата на забите и непцата ниту во време на пандемија.

Растворите за гаргара подобри од брзите тестови

Според новата студија, растворите за плакнење на устата не само што можат да го намалат ризикот од инфекција со корона, туку можеби и да спречат тежок тек на  болеста. Германското друштво за болничка хигиена изрично ги препорачува. 

-повеќе на темата: Што се случува со организмот по заболување со Ковид-19

„Жабуркањето со дезинфекциски средства за грло ја намалува концентрацијата на вирусот толку што човек веќе не е заразен. Доколку се примени на време, може да се очекува само благ тек на болеста, доколку до неа воопшто и дојде“, вели за весникот Билд, професорот по хигиена Клаус-Дитер Кастров.
„Вируцидниот ефект на плакнењето на устата со средства како што е Бетаисодона е научно докажан и се однесува и на коронавирусот“, тврди д-р Кастров нагласувајќи дека тие средства се ефикасни и против било кој мутант на вирусот.
„Доколку се користат широко, вируцидните решенија се плакнење на устата можат побезбедно од брзите тестови да придонесат за преки на ланецот на инфекција, а пандемијата наскоро да заврши. Политичарите мора тоа конечно да го сфатат и да го применат“, вели Кастров.